Admin||05|Biangreithlep 09|2020|| Wow! Lainu/Chinnu Elizabeth Bawilung nih the Indiana University Bloomington kai dingin Cox Scholarship a kan hmuhpiak ti thawng kan theih. A sunglawi tuk hringhran, lawmhpi cio hna usih! Elizabeth hi Burmese American Community Institute Inc (BACI) zongah class leader a rak si balmi a si.

Lainu Elizabeth Bawilung hi US, Indianapolis ah khusami an si. Atu bantukin Scholarship a hmuhpiakmi hi a sunglawi tuk hringhran. Aizuam ruangah hibantuk dirhmun tiang a phak khawh hi a si i aizuamnak cungah upatnak kan pek. Tlamtling tein a kai khawhnak hnga thlacamnak in bawm cio hna u sih!

Miraang in rel chih ding kan chiah i rel khawh a si. Congratulations Elizabeth Bawilung on winning the Cox Scholarship, a full ride to Indiana University Bloomington! A Top 40 Student at Perry Meridian High School, Elizabeth is the current Class Leader of BACI Upward College Program. As a Pre-Medicine student, she plans to study biochemistry, with French minor to pursue her dream career as a medical doctor. We are very proud of Elizabeth for her excellent academic achievement and leadership at BACI, her school, and beyond! Credit: BACI

Thawngpang dang rak rel chih: US Ah Rian Ngei Lo 33 million Kan Phan. US ah rian ngei lomi 33 million kan phan. State cozah nih stay at home le Lock down order an chuah caah minung tampi riantuan khawh a si ti lo. Company tampi an khar. Cozah zung tam deuh zong inn in tuan a si. Essential timi tuan lo awk le khar lo awk a tha lomi pawl lawng on le tuan a si. Small business a tuahmi pawl hi a cei bik dingmi an si. Mah ruangah cozah nih PPP timi bawmhnak in chanhchuahnak a tuah cuahmah lio hna a si.

Tutchun tiangah rian ngei lomi minung 33 million kan phan. Rian ngeih lo ruangah cozah bawmhnak Unemployment benefit a sawkmi hi kan hnu zarh lawngah, 3.2 million an si. US riantuan mi minung 5 ah minung pakhat tluk cu rian ngei lomi kan si cang tinak a si. US State 35 ah a cheu bang in on hram an thawk. State 4 ah a cheu bang in on an timh cang. Atang mi state 11 ah Stay At Home order a nung rih.

Unemployment tam deuh an sawknak state pawl hi democrats pawl cozah an sinak state a tam deuh ti a si. Tuan deuh i a ongmi pawl hi Republican cozah an sinak state a tam deuh. Democrats pawl governor an sinak state cu an on a nuar deuh. Federal cozah sin zongah bawmhnak an hal. Cozah nih nan kan bawmh lo ahcun kan ong kho lai lo a timi tiang an um. Asinain Republican governor an sinak state tam deuh ahcun white house task force hna nih guideline an tuahning tein on hram an thawk.

Tulio President Donald Trump cozah nih an phan ngaimi cu business on hnu, company pawl on hnu zongah riantuan duh loin cozah bawmhnak unemployment benefit lawng a ormi an tam tuk sual lai ti an phang. Cucaah Federal cozah nih rian on ko nain riantuan a duh lomi pawl zeitindah kan rengh hna lai timi an tuak lio a si.

Democrats pawl cozah an sinak state ah hin Sanctuary cities timi an um. Phung loin US ah a lutmi Illegal tampi an um. Mah pawl cu state cheukhat ahcun driving license zong an pek hna i medicaid le Food stamp tiang zong a pemi khua an um. Mah bantuk khua ahcun crime zong a tam deuh caah Federal cozah nih state cozah cu an nawlngeihmi chung in an rengh tawn hna. Cucaah Federal cozah nih mah bantuk sanctuary khua ummnak state cu federal cozah bawmhnak kan in pe hna lai lo tiah rengh an timh hna. Credit: Salai Lairamthang