Chin nusaltha CNLD in Thantlang peng ah MP aa cuh ding mi Chin Chin Pekthang cu Pi Aung San Suu Kyi nih remdaihnak a rianṭuannak cung ah Upatnak Roca a pek ve tiah theih a si.

Tutan ah Chin miphun chung in bochanmi kan pale, kan nusaltha hna nih Rampi level in Remdaihnak lamthluan rian an ṭuannak ah Upatnak Roca tiang an hmuh hi cu Chin mipi kan hmai an kan hngal ter ngai ngai.

Tutan ah Pi Aung San Suu Kyi nih “Peace Making Prize” timi Upatnak Roca a pekmi hna hi kum 2015-2020 karlak Myanmar rampi remdaihnak ah aa telmi chung in a pekmi hna an si. Hi “Peace Making Prize” hi minung 100 sin ah Pi Aung San Suu Kyi nih upatnak Roca in apek hna hi a si i cu chung ahcun Chinmi chung in Dr. Lian Hmung Sakhong, Dr. Sui Khar, Salai Thla Hei le Chin Chin Pekthang hna hi an si.

Chin miphun chung in minung (4) Dr. Sui Khar, Salai Thla Hei, Dr. Lian Hmung Sakhong le Chin Chin Pekthang nih “Peace Making Prize” an co ti ah lawmhpi awk tlak taktak a si, Miphun kan hmai an hngal ter ngai ngai.

Note: Hi thawngpang hi neihniam sin in kan lak chin mi asi. Thawngpang puitling deuh in tar nolh kan i zuam ṭhan te lai. (Credit: V.O.M Journal)