Hlasak thiam Sarah Van Tin Hnem le Joshua Thawng hna sinin Fanu rosung lawi Pathian nih apekmi hna mitthmai thar kan hmuh mi cungah kan lawmhpi cio hna. Bawipa nih thluachuah chin ko seh. Hringtu a pa bantuk in Music a thiam mi sisehlaw a nu bantuk in hlasak thiam si hram ko seh tiah saduh nganpi kan thahpiak ve.

Hlasakthiam Sarah Van Tin Hnem pasal Joshua Thawng hi bochan ngaingaimi pakhat a si. Cun amah nih Music leiah bochan taktakmi pakhat a si. Cun Sarah Van Tin Hnem le hlasakthiam a si fawn, a pasal Joshua Thawng le music lei thiam ngaimi a si ve fawn tikah an i tlak ngaingai hna. Pathian nih thluachuahnak pe hna sehlaw Fapa rosung lawi zong a rauh hlanah pe ṭhan ko hna seh.

Pathian thlachuah Fanu rosung Jedidah Zathang Sarah Le Uthawng sin in kan hmuh mi fanu Te si ko hih duhnung tuk mi fanu rosung pathian thlachuah athar in kan don than. Credit: Ruth Siangcuaimential cinzah

Thawngpang dang rak rel chih; Pathian Kan Zumhmi San A Tlai Ti Maw: Billy Graham Bialehnak
Biahalnak: Nihin i Pathian kan zumhnak ah zeidah thathnemnak a um ti? Vawlei hi a buai chin lengmang i, kan him chin lengmang ti lo. Pathian kan zumhnak zong nih a kan himter deuh hlei ti lo; zeihmanh nih a kan himter deuh hlei ti lo. Zeidah Pathian kan zumhnak san a tlaihmi a um?
Rev. Billy Graham: Kan vawlei hi a buai tuk cang ruang le kan him chin lengmang ti lo ruang ko cun pei Pathian cu kan herh chin lengmang fom cu! Vawlei hi a tlingmi le buainak le harsatnak ngei loin a ummi si seh law Pathian hmanh hi kan herh hnga lo. Nihin bantuk kan caan chia ahhin Pathian kan herhnak a zual chin lengmang cang.

Hitihin ka chim lai, Pathian kan zumhnak ah daihnak le himnak kan hmuh lo ahcun khawika hlei ah khin dah kan va hmuh ti hnga. Aho dah kan va fuh hlei lai? Khawika hmanh ah kalnak le fuh ding kan ngei lo. Kan nunnak hi vawleicung thilri le minung sinah kan chiah sual ahcun Jesuh nih a chim bantukin mihrut pa bantukin thise cungah inn a sami kan lo lai. Ruah a sur tik le thlichia an hran tikah a tlu colh lai’ (Matt 7:27). Cucaah daihnak, ruahchannak le himnak an pek khotu Pathian hi mer tak hrimhrim hlah. Jesuh Khrih ah fek tein na zumhnak chia lengmang law Amah i bochan lengmang ko. Midang nih cun an in deuh men lai. Asinain Jesuh nih cun an deuh bal lai lo.

Jesuh Khrih he nun ti hi na nunnak hmuitinh sangbik ah chia zungzal. Pathian sinah thlacam lengmang, Bible rel lengmang law na Khrihfabu chungtel he hawikawmhnak ngei lengmang. Bible nih ‘vawleicung le a pumsak duhnak vialte cu an lo dih lai, sihmanhsehlaw Pathian duhnak a tuahmi hna cu zungzal in an nung’ a kan timi hi zeitik hmanh ah philh hlah! (1 John 2:17).