Kalaymyo peng Kyarinn khuami Pu Sai Luai Le Pi Can Zi hna i an fanu Si Si Hnin cu Myanmar Online hlasak zuamnak Myanmar International Youth Fellowship ah i zuam ve in Pathumnak dirhmun a kan lak piak. Atu bantukin Myanmar rampi online hlasak zuamnak ah Chinmi chungin atu bantuk teinak kan hmuh hi cu a sunglawi tuk hringhran.

Myanmar IYF ah Pathumnak a cotu Si Si hnin a konglam tawi. Kalaymyo peng Kyarinn khua um Pu Sai Luai le Pi Can Zi hna i an fa nu Si Si Hnin a si. Laitlang an khua ah Hakha peng Zokhua a si. 2020 kum Febuary 15 ah khan Cung Music Academy (CMA) in Vocals in Degree a lak. A tu Myanmar IYF ah hla aa zuam duh hnawh chan le thimhmi pahnih a ngei.

Pathian zum tu hna hi zeitik hmah ah Pathian nih a kan cawi san ko ti hi a tleihtleng cu a si. Pumpak in MTV Tapphel cu a tuah rih lo nain Solo/ Group le Duet he cun aw fung 12 a tapphel ah hla a sak cang. Hi hnu hmailei a karhlannak ah Pathian nih lam a hruai i amah sunparnak caah hmang chin lengmang ko seh. Chin miphun hmaihngaltertu le minṭhattertu pakhat a si.

Hi kongah hlasakthiam awṭha Si Si Hnin nih Myanmar IYF a zuamnak kong he pehtlai in Chin World News Evening sinah a tanglei bantukin a chim.

Zeitluk in dah timhtuahnak a ngeih timi kong he pehtlai in wṭha Si Si Hnin nih,“Tuzaan ahhin cun ka thinzong phang ngai ngai ko. Ka miphun caah, Pathian Sunparnak caah kan Laimi caah minṭhatnak dirhmun pakhat cu phak ka duh i ka duhnak hi a fak ngaingai. Nain Thlacamnak he ka cung a tlungmi thil poah Amen pek khawh kaa zuam lai tiin timhtuahnak cu ka ngei,”tiah a chim.

tu bantukin pathumnak dirhmun hi ka phan lai tiah nangmah leiin ruahchan na ngei maw? timi biahalnak kan tuah i a chimmi cu,“Aw phehthuh lo tein chim cun kan thawk ka ah khan cun ka rak i zumh ngai ve ko. A ziah ti ah cun zuamnak cazin (min) ka rak pek ahhin Thlacam bu tein ka pekmi si caah le ka hnu in Thlacam piaktu tampi ka ngeih hna caah hin kaa zumh ngai ko. Asinain October 29 ah khan cun ka hmak (mark) kha mi nakin tamtuk in a rak tlawm caah ka lungdong i ka ngaihchia ngai ka hmu kho ti lai lo tiah ka ruah. Asinain Pathian cu ka caah zeitik hmanh ah a tlai ballo tu Pathian a si,”tiah a chim.

Zei bantuk lungput ngei in dah Myanmar IYF hi na zuam na kan chim kho lai maw? tiah kan hal i,“Atu lio vawlei cung a hnin dihtu virus kong he pehtlai in an phuahmi a si tikah hi hla te kai zuam ahcun thazaang a dermi hna zong nih thazaang i lak ve hna seh te le cun Laimi Pathian nih zeitluk a kan cawisan zia kha miphun dang zong nih thei hna seh ti le Pathian zumtu hna hi zeitik hmanh ah Pathian nih hin a kan cawi san ko ti lung put hin si ko,”tiah Chin World News Evening sinah cun a chim.

Lung Lawmh Nak: Myanmar iyf hlasak zuam nak ah Pathum nak a ka hmuh sak tu Ka Biak mi Pathian a min ka thangṭhat. Ka Phu ka tawk lo a si ko nain Ramchung Ram leng in Dawtu vialte nan thazang chuah nak like a ka pe tu a ka dir kam tu Media hna nan cung ah lawmh nak bia chim cawk lo ka nei. Bawipa nih Dawtu vial te nan dih lak Bawipa nih Thluachuah in pe ko hna seh law.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin

VIDEO