Hi thawngpang von theih cu lung a hmui tuk hringhran. Upatnak awk tlak le bochan awk tlak taktak a si. Kan fapa Joshua Thawng Ṭha Lian nih Covid-19 pulrai zawtnak ruangah inn ah ierh cio a si. Cucu caan ṭha ilak in Bible cathiang nikhat ah suimilam 1 lengmang rel in tuni ahcun a dihlak in chuak lakin a rel khawh tiah kan theih. Amah hi kum (11) te lawng a si rih.

Hi kong he pehtlai in Paul Lian nih cun hitihin a tarlangh,”Kum ( 11 ) reng lo a simi ka fapa ( Joshua Thawng Ṭha Lian ) nih ( Aug 4/20 ) ah Bible chuak lak in a rel dih cang. COVID – 19 ruangah inn ah kan ierh cio hna. Nikhat nazi 1 chung te, nifatin in Bible rel hram kan domh pi hna i atu cu Bawipa thawng in a lim cang.

“Phorhlawt nak lungput pakhat hmanh kan ngei lo, Bawipa um pi nak thawng in a si. Anau le zong an rel dih chom lai. Ka lunglawmh nak langhter nak caah ka hun tar. Ka fapa Bawipa nih thluachuah in pe ko seh,” tiah Paul Lian nih cun a tarlangh.

Rev. Davih Lah kong he pehtlai in thawngpang thar rak rel chih; Rev. Saw David Lah Bia an Ceih Piak Cang. COVID-19 chung ah minung tampi in hmunkhat ah um ti lo ding in Kawlram cozah ngamdamnak lei tawl rel tu nih nawl an chuah i cu lio ah Rev. David Lah cu nawl na puar tiah ngandamnak lei tawl rel tu hna nih taza an cuai mi cu tu ni chun Aug 06, 2020 ah bia an khiak piak cang.

Hi tin in nawl na puar tiah an tlaih nak in thla 2 le zarh 2 a rau cang. Bia ceihtu nih bia a ceih piak mi cu rian tuan pah bu in thla thum chung thawngtlak ding in a ceih piak. Asinain an tlaih ri in ni hin ni tiang hi thla 2 le a cheu a rauh cang ruang ah thla thum thawngtla ti lo in zarh 2 lawng a tla cang lai tiah theih asi.

Amh Rev. David Lah he an tlaih ti mi hna Way Htun zong rian tuan pah buin thawng thlathum tlak ve ding in an ceih piak ve nain amah zong zarh hnih lawng a tla ve lai. REF: DUWUN (ACN News ta lakchinmi a si).