Hi bantuk thawng von theih hi cu lung a nuam hringhran ko. Chinmi caah thawngpang ṭha tuk zong a si fawn. Cu hleiah zohchun awk tlak le bochan awk tlak taktak a si. Chinmi nih atu bantukin Mino pasal ṭha kan i ngeihmi hi a sunglawi tuk hringhran.

Cucu hihi a si. Bungkhua mi US ah ummi Biak Cin Thang cu 2019 ah US ralkap sianginn (training) a kai hnuah a awng i December 6, 2019 ah Infantry sianginn zong a rak dih. Pathian dawtnak le lamhruainak thawngin US ralkap puitling sinak a ngeih hnuah a rank tiang an kai ter cang. Lawmhpi cio hna usih.

Hi kongah amah Biak Cin Thang nih hitihin a taar,“Kei nih cun hitihin Bawipa thluachuah ka rel. November 2,2019 ah Pathian vel le lamhruainak in tlamtling tein US ralkap sianginn (training) ka rak awng i December 6,2019(nihin caan) ah Infantry sianginn (US ralkap tling) zong ka rak dih kho ve.

“Kum khat a rauh hnu ah Bawipa vel le dawtnak thawng in December 5,2020 ah promote (rank kai nak) zong ka ngah kho ve. E3-Private First Class (PCF) in E4- Specialist ah ka rank zong an ka kaih ve cang,” tiah a taar.

Chinmi nih kan hnep hrimhrim lo. Pathian nih a kan dawt i a kan cawisan ti fiang tein theih khawh le hmuh khawh a si. Tutan ah kan naupa Biak Cin Thang thawng von theih cu lung a hmui tuk hringhran. Pathian nih hmailei a lamthluan ah lam hruai in umpi zungzal ko seh. Lawmhpinak ah SHARE cio hna usih!

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin