Yangon le Mandalay i Innyar Myine Car Spa timi Company ngeitu Pu Tu nih Myanmar Idol Season 4 zuamnak Top 7 ah a tel vemi Esther Dawt Chin Sung vote peknak caah zarh fatin ting 58 a hmannak kong Nay Zin Latt timi Facebook pakhat ah November 22, zaan suimilam 10:06 ah khan mipi hmuh khawhning in a vun post.

Yangon le Mandalay ah Car Spa dawr a tuah i rianttuantu minung 180 renglo a ngeimi asi. Hi mirum pa Pu Tu nih cun Esther Dawt Chin Sung final a zuam khawhning le a phak khawhnak ding caah ting 1400 thap in vote a pek lai nak zong a theih asi.

Asinain Top 8 zumank ah Esther Dawt Chin Sung cu Botton 3 i a thut ruangah hmaizarh in Yangon le Mandalay i a rianttuantu minung 180 renglo pawl cu vote pek ni ah rianttuanter loin zarkhat ah ting 100 man vote pekter dingin timtuahnak a ngei tiah theih asi fawn.

Vote peknak caah Team dirh in phone SMS in siseh, Myanmar Idol Application tiangin Vote pek khawhnak kip ah vote pek ding tiangin timhtuahnak a ngei. Esther Vote peknak dingah MPT,Ooredoo le Mytel company sinah Phone bill zong a cawk dih cang tiah theih asi. Ref: Nay Zin Latt