Myanmar Idol Season 4 winer a ngahtu kan naunu Esther cu uar a um chin lengmang cang ko hih. Mipi caah a si khawh chungin cawlcangh ai tim taktak cang. Atulio ah Yangon khuapi cu zawtnak ttihnung Coronavirus a phan suallai ti phang in an um i hmaihuhnak (Mask) man a kai ngaingai ti a si i cu hmaihuhnak (mask) cu kan farnu Esther nih Yangon khuapi phawtzamhnak a ngeih lai tiah theih a si.

Atulio vawleipi nih a ṭih ngaingaimi cu China ram, Wuhan khuapi in a chuakmi Coronavirus (Wuhan virus) hi a si. Tuzing zongah Coronavirus nih minung 361 a thah i “Global Emergency” an thanh cang tiah theih a si fawn. Cucaah vawleipi thindamh in a um cang.

Cu ruangah Wuhan Virus zawtnak chungin himnak pakhat a simi hmaihuhnak (Mask) cu Yangon khuapi hmunkhat ah kan naunu Esther Dawt Chin Sung nih a phawt hna lai tiah theih a si. A phawtzamhnak ding hmun cu Yangon Hledan, U Htun Linn ah February 4, zinglei suimilam 9:00am in phawt a thawk lai.

Hikong ah Esther nih a mipi (afans) pawl sinah sawmnak pakhat a tuahmi cu lukhuh raangmi le Kut khih raangmi i ken dingin a cah hna. Lampi i hmaihuhnak n phawtzamh dih hnuah Siizungah kal in pawtnak an ngei ṭhan lai i mizaw pawl a tlawh hna lai.

Esther nih a chimmi cu ” Hello, dawtmi u le nau hna, ramleng ramchung a ummi nan zah tein kut kan tlaih hna. Tulio ah ṭih a nung tukmi Virus konghe pehtlaiin keimah le ka mipi (fans) hna nih Yangon Hledan lampi ah hmaihuhnak (mask) phawtnak kan ngei lai i zinglei suimilam 9 in kan thawk lai. Kan tuahmi thil hi hmuar a ngeih khawhnak hnga thlacamnak in kan bawm uh” tiah a chim.