Chinmi/Laimi chungah a um bal lomi tuanbia dawh te aṭialtu Esther Dawt Chin Sung hi conglawmh lo awk hrimhrim a ṭha lo. Kawlram huapin tuahmi Myanmar Idol Season-4 zuamnak ah Winner a cotu cu kan farnu/nau a simi Esther Dawt Chin Sung hi a si. Hihi Chinmi/Laimi chungah a um bal lomi tuanbia a si. Chin miphun minṭhattertu taktak a si tiah ka ruah.

Myanmar Idol hlasak zuamnak hi a sang ngaimi hlasak zuamnak pakhat a si. Ramkip nih a ngeihmi zuamnak puitling taktak International Level hlasak zuamnak pakhat a si.

Cu lioah kan farnu Esther Dawt Chin Sung nih Winner a comi hmuh tikah lungthin a nuam hringhran. Cu pakhatnak laksawng a hmuh ruangah Laksawng phaisa an pek lai ah inn (apartment) ai dawh a ṭha taktakmi an pek chih i ahmanthlak kan tarmi hna hi a si.

Lung a hmu khunmi cu, kan farnu/naunu Esther Dawt Chin Sung hi Myanmar Idol aizuam hlanah Kum 2017 Halkha khualipi ah tuahmi Chin Idol ah Winner a rak cotu zong a si. Chin Idol i teinak a hmuh hnuah Kum 2019 Myanmar Idol Season-4 ah ai zuam ṭhan i atu bantukin pakhatnak dirhmun tiang a phak khawh hi a si.

Hlunghlai taktakin Kalaymyo ah siseh, Halkha khualipi ah siseh a dangdang ah rak don a si. Chinmi tuanbia chungah philh awk ṭha lomi tuanbia a si.

Cun, laksawng a hmuhmi tete zong mi harsa bawmhnak tibantuk le Biakinn saknak tibantuk hna a hlut hna tiah theih a si fawn. A lungput a ziaza a sining zoh tikah Mino te a si ko nain a lungthin ruahnak hi a puitling taktak i zohchun awk tlak taktak pakhat a si.

A umnak apartment hmanthlak kan chiahmi hi zoh cio hmanh ulaw zeitluk dah a nuamh hnga mu. Aho cio paoh nih kan lawmhpi lai tiah ka ruah. Amah hi mi upatnak ṭihzah zong a thiam i a mi toidor, minunnem ngaimi a si. Pathian nih hmailei a nunnak lam tluangah umpi zungzal ko seh!