Nizaan Myanmar Idol Season 4 Top 5 zuamnak an thawk tthan i zoh an dawh kho taktak. An thiam kho tuk hringhran. Level pakhat hnu pakhat bakin an thiam chin lengmang cang. Zoh an dawh chin lengmag i an hlasakmi zong ngaih a nuam deuhdeuh i a ttha deuh thluahmah hna.

 

Top 5 chungin Benjamin Sum cu a donghnak bikah auh le sakter a si i Connie hla “Sii” timi a sak i mipi pawl cu chim lo Judges pawl hrimhrim nih an celh lo. An uar khawhning cu khuaruahhar lei a si. Nizaan cu voidang nakin a thiam deuh. A hlasakmi hrimhrim a sak fuh i a aw he aitlak kho taktak.

Judge Ko Latt nih a comment a pekmi cu ” Biatak tein chim ahcun mah hla Sii kha ka kawlmi cu a si. Tuzaan cu voikhat hmanh ka hmuh rih lomi Benjamin Sum ka hmuh. A hramthawk ah cun kan zoh ko nain a hnuah kan zoh ngam ti lo i mit chimh bu na aw ka ngai. Na aw na santer ding ka uar kho tuk na aw tuah hrimhrim ka duh tuk” tiah a chim ve.

Judge Tin Zar Maw nih a chim vemi cu ” Sii hla na vun i thim na vun sak ah khan ka thinphang ngaingai. Connie nih a sakmi hla Sii hi cu pa nih na vun sak ding hi ka thin rak phang tuk. A hramthawk ah cun a thang huaha lo deuh tiah ka ti nain aw na sangter taktak cu Benjamin Sum ciammam na si ko a mak lawlaw. Benjamin cu Bejamin cingcing a si ko” tiah a chim ve.

https://www.youtube.com/watch?v=_BkyAgSmRqI