Laimi nih kan i ngaihmi Gospel singer hlasakthiam Esther Van Hnem Sung hi uar a um tuk hringhran. Esther Van Hnem Sung hi hlasakthiam lawng si loin hlaphuah thiam taktak zong a si. A hlaphuahmi hi amah nih a tonmi le amah nunnak ah a ummi a phuah deuhmi hi a si.

Naitan ah a hlaphuahmi “Ka Chim Lai Amen” timi hla a phuah i mitampi nunnak rian attuan i mitampi nih thazaang thar an ngah. Tutan ah hla ttha taktak a phuah tthan i tutan i a sakmi le a phuahmi hla “Nunnak Tlanglawng” ti a si. Rak ngai ve law Share in thazaang rak pe ve. Atangah a video le ahlabia kan chiah chih.

NUNNAK TLANGLAWNG: A thawhmi tlanglawng cung ah, Micheu cu an dawtmi ton awk Ah an ii thawh mi cheu cu An dawtmi hna chuah tak in An ii tinhmi hmun an panh Ruahchannak phun za kip he Thaizing zei an ton lai hngal lo An hmai zei a um an hngal lo.

Minute sawmthum hnu ah a hermi tlang lawng ke Zei a can hmanh theimanh lo in a dir ii Tihnak in an khat ai hram thawng a thang Chunmang vial te an lo.

Nang le kei zong nunnak tlang lawng Cit in vawlei ah chikhat khual tlawngmi kan si. Vanchiatnak kan cung ah zei tik A phak lai ho hmanh kan hngal lo. Second chung ah a ziam khomi kan nunnak hi Bawipa sin ah amah khan in kan chiah a herh Kan thlarau ca’h

Kum sawmthum ngaknu dawh te Caan saupi a hngah hlangmi A dawtmi he ni thum hnu ah Mipi hmai ah biakam in Chungkhar thar kan ser ti lai Ni le thla kan rel ti lai Tiah zan ih hmanh me rem thiam lo Saduhthah phun kip an phai.

A thaizing ar khuang ah Hring tu a nu sin in Tah aihram thawng a thang zei ton hen kan ton Siseh caan a luan cang A thaw a um ti lo.Nang le kei zong nunnak tlang lawng Cit in vawlei ah chikhat khual tlawngmi kan si Vanchiatnak kan cung ah zei tik A phak lai ho hmanh kan hngal lo Second chung ah a ziam khomi kan nunnak hi Bawipa sin ah amah khan in kan chiah a herh Kan thlarau ca’h.

Thlitu bantuk men hi kan nunnak hi Lei dip ii a kir than hnu ah cun Zei hen tlaihchan tlaihchan ding a um ii Bawipa kut chung ah kan thlarau him te’n A um hnu ah cun hi vawlei thil cu Zei hen tlaihchan tlaihchan ding a um ii.

Nang le kei zong nunnak tlang lawng Cit in vawlei ah chikhat khual tlawngmi kan si Vanchiatnak kan cung ah zei tik A phak lai ho hmanh kan hngal lo Second chung ah a ziam khomi kan nunnak hi Bawipa sin ah amah khan in kan chiah a herh Kan thlarau ca’h.