Wow! Esther Nih Winner A Hmuh Taktak Lawmhpi Cio Hna Usih. Lung a hmui kho tuk hringhran. Tutan Myanmar Idol Season 4 zuamnak Grand Final cu tuzan ah Benjamin Sum, Aye Mya Phyu le Esther Dawt Chin Sung tiin an i zuam hna. Tutan Myanmar Idol Season 4 zuamnak ahhin a cheu nih Aye Mya Phyu an ti i, a cheu nih Benjamin Sum an ti ve. Cheukhat nih Esther Dawt Chin Sung tiah chim cio asi ve.

Sinain zuamnak result an van phuan taktak tikah ahcun Chin leng dawh Esther Dawt Chin Sung nih tukum 2019 Myanmar Idol Season 4 zuamnak pi cu a co ruangmang ko ai. Lung a hmui kho taktak atu bantukin Myanmar Idol hlasak zuamnak pi ah Chinmi nih winner kan hmuh mi hrim lung a tling kho tuk. Lawmhpi cio hna usih.

Relchih: Thluachuah Phurtu Hawikom Vs Thluachuah Phittu Hawikom: Minung kan nunnak ahhin hawikom ngeih cio asi. Tlawm deuh ngei le tam deuh ngei ti lawngin kan i dang. Hawikom kongah ka vanttha ngai tiah kaa ruahmi cu ka hawikom ngeihmi hnih-khat khi a lungthiangmi a thinlungput tthami le mitluangtlam lawngte an si hna. A cung ka tlaangtaar he pehtlaiin tlawmpal ka vun ttial tuah lai.

Thluachuah phittu hawikom hi type phun thum in ka vun langhter lai: 1 thil dik lomi lam lei hoih in kalpi an duh lai. 2 amah nih a remlomi-huatmi minung poah kha rem ve hlah seh-hua ve seh ti an duh peng lai. 3 midang thangchiat-kongceih a zuam ngai lai. Mah type 1, 2, 3 chungah pakhat khat aa telmi hawikom na ngeih sual ahcun hawikom lei ah mi vanchia bak na si. Naa theihlo kar ah duhsah tein na thluachuah a rak phittu an si. Pathian nih an chiah piakmi, hmailei na nun lamthluan kalnak “destiny” an hrawh piaktu an si. Hi bantuk hawikom thongkhat ngeihnak in hawikom loin um kha a ttha deuh.

Thluachuah an hampiaktu-phurtu hawikom phun cu: 1 zeitik poah ah thilding/thilhmaan lam hoih in kalpi an duh peng lai. 2 nangmah nih na rem lomi-huatmi hmanh khi, ruatthiam-theithiam ko, ngaithiam ko, tiah thazaang an petu asi lai. 3 midang sining kha a ttha bikin a hmuthiammi le midang thangchiat le soisel kha hrial ai zuam zungzaalmi asi lai. Cu bantuk hawikom a ngeimi cu mi vanttha taktak an si, thluachuah a hammi-a phurmi hawikom ttha an si. Salai Van D Ceu