Congratulations; Dr. Tial Len Par Cu Lawmhpi Cio Hna Usih! Dr. Tial Len Par Mihnge, Pu Than Piang le Sayama Tial Dong te i an fanu, cu Korea Development Institute School of Public Policy and Management in Ph.D in Public Policy tluang tein a dih hnu ah Falam Christian Fellowship Korea  nih  kan in lawmhpi tuk hringhran.

Dr. Mihgne hi International University of Japan ah Master in Economics sianginn a dih hnuah Korea ah Ph.D a peh than i sianginn a dihmi a si. A Thesis a tialmi Ph.D dissertation konglam  cu “Human Capital Development and Household Welfare in Myanmar” a si. Kum thum chungah Ph.D (2017 fall semester–2020 Spring Semester) a dih khomi a si, nu menmen lo a si ti fiang tein hmuh khawh le theih a si.

Indiana University School of Medicine ah Assistant Professor ṭuan tu ding Dr. Irene Nunuk. Michigan State University College of Human Medicine in sianginn adih mi Dr. Irene Nunuk cu Indiana University School of Medicine ah Assistant Professor in caan tling rianṭuan aa tim tiah theih asi.

Dr. Irene Nunuk cu kumli chung sianginn a kai dih hnu ah Medical College of Wisconsin ah Internal Medicine in residency kum 3 chung ca a cawng chap. Cu dih in St. Louis, Washington University ah kal lei he aa pehtlai mi lei hoih in kum 2 ca a cawng chap dih hnu ah atu bantuk in Indianapolis lei ah rianṭuan ding in aa rak i ṭhial mi hi asi.

South side IU lei zong ah kal lei sii inn ah a ṭuan chih lai tiah theih asi. Atu bantuk tuk Chin mi nih Siibawi lei Professor dir hmun tian a ṭuan kho tu kan ngeih hi lunglawmh ngaingai asi leng ah Chin mipi caah zohchun awk tlak pakhat asi. Chin Community Of Indiana