Myanmar Idol Idol Season 4 zuamnak ah top 4 tiang a phanmi chinpa Benjamin Sum cu thazaang petu le ttantu a ngei chin lengmang cang. Tutan zongah amah thazaang peknak ah hmur le kaa lawngin chim phuan loin amah amah ttanhtu pawl nih hla bakin thazaang an rak pek cang hih.

Tutan zongah Yangon ah a ummi Bible sianginn ah sayay aa ttuan liomi John That Luai nih miraang hla bak in kan naupa Benjamin Sum thazaang peknak hla a phuah i a sak ngaih a nuam ngaingai. Benjamin Sum zong a lunghmuih tuk lai tiah an ti cio. A hla phuahmi zong ttha i a satu zong a thiam ngaingai. Benjamin Sum caah hla na phuahmi hi fung 4 a tling cang. Cu lawng hmanh si loin Idol dihin asak ah tiah a phuah piakmi zong an um.

Tutan ah hla a phuah piaktu Saya Johna That Luai nih a chimmi cu ” Na timhnak hmun na phan cang. I zuam chih ko law, na tha tuk hringhran. Zeizong vialte a tuah kho dihtu Pathia nih zeizong kip a tuahpiak ko lai. Zeitik hmanh ah na lungdong hlah. I zuam chih peng rih lo na ruahnak tlau na lungput tlau hlah seh. Nangmah lawng na si lo i hmun hla pipi ah a ummi le lam nai tete a ummi mipi tampi nih thazaang kan i pek peng ko ee. A donghnak ah Halleluiah chi caan a phan dengmang cang” tiah thazaang peknak bia a chim ve.