Laimi/Chinmi lawng hmanh si loin kan unau Mizo nih an uar taktakmi hlasakthiam Iang Len Sung nih “Rosung Bik” timi album a chuahmi cu tuchun zaanlei suimilam 3:00pm Hakha AG Biakinn ah tlamtling tein release nak an ngei. Asunglawi tuk hringhran. Laimi hlasakthiam tampi an um ko nain atubantukin Album a chuahmi/khomi an tlawmte cun atulio ah cun an um rih lo ti u sih law kan palh tuk men lai lo.

Album a chuahmi chungin “Rosung Bik” timi thangṭhat hla mipi ngaih khawh dingin a hun thlah cang. Thazaang pe cio hna usih! Kan umnak ram cio ah a phak tikah thazaang chuah in bawm cio hna usih ti kan in sawm duh chih fawn hna. Tutan ah “Rosung Bik” timi a sakmi hla hi hlaphuah leiah Laimi nih pacan dirhmun in kan i ngeihmi Rev.H Thomas Ṭial Uk nih a phuahmi a si.

Rev.H Thomas Ṭial Uk hi chim hau loin kan theih dihmi a si Laimi ah cun Pathian thangthatnak hla a phuah tambik a si men lai tiah ka ruah. A hlaphuahmi hna zong ngaih tikah lungthin ah rian a tuan ngaingai.  Ahla sullam an tha i an nung ngaingai hna. Tutan i hlasakthiam Iang Len Sung album chung zongah hin amah hlaphuahmi a tam ngaingai.

Iang Len Sung hi kan hnu kum 2019 ah Mizo hla “I Tap Thawm” timi hla a saknak in thawngin Mizo mipi zong nih theihhram an thawk ti u sihlaw kan palh tuk men lai lo dah. Cun, Mizo hla thiamthiam “Ni A Liam Ta”  timi hla a sak tthan i mipi nih an hung uar chinchin. Atang leiah a hlathar kan chiah cu, a album release an tuahnak zong kan chiah chih i ngaih khawh a si.

Hihi rak hmet law, Rosung timi hla, a hla thar ngaih khawh a si.

A album release an tuahnak zoh khawh a si. Hihi rak hmeh piak.