Khah! Atulio Myanmar Idol Season 4 zuamnak ah mipi nih an uar bikmi hna le a thiam bikmi, Myanmar Idol Season 2019 cu an pathum ahhin pakhatkhat nih an lak ko lai zumh bikmi hna minung pathum Esther Dawt Chin Sung, Aye Mya Phyu le Benjamin Sum nih miraang Shallow timi dawh taktak in a sak. Rak ngai ve hmanh an thiam ko taktak.

Atu an sakmi miraang hla Shallow hi Level 1 ah Esther Dawt Chin Sung nih a sakmi hla asi. An thiam kho taktak. An pathum ko hi atulio ah cun mipi zumh bikmi hna le uar bikmi hna an si rih. Vote zongin a tluk bakmi hna an si fawn. Level 1 in Top 8 tiang a cawlcangh le an dirhmun cio zoh ulaw aho hi dah Winner ah aa tlakmi tiah nan ruah ve cio?

Nain naitan Top 8 zuamnak ah mipi nih zumh bakmi hna le vote zong a tambik tiah ruah bakmi hna Esther Dawt Chin Sung le Aye Mya Phyu cu Bottom 3 tthutnak an tthut diam hna i, mipi an khuaruah a har i an lau ngaingai. Zeiruangah dah asi hnga tiah biahalnak tampi a um len ve. Next level ah zeidah an lawh te lai ti cu theih asi lo.

Bottom 3 tthutnak ah an tthut ko nain atutiang rih cu teinak an hmu rih ko. Mipi lungthin anmah hi a um bikmi cu asi. Ruah lo pi zongin Next Level a tla khomi zong an si fawn. Zeidah na ruah ve ning asi? Bottom 3 tthutnak ah an tthutter mi hna kongah na hmuhning zong rak chim ve.