Tukum Myanmar Idol Season 4 zuamnak cu kan farnu Esther Dawt Chin Sung teinak  a kan hmuhpiak. A sunglawi tuk hringhran. A um bal lomi tuanbia dawh taktak Chinmi nih kan ttial. Miphun hmaihngaltertu taktak  a si. Kan farnu Esther Dawt Chin Sung hi  Myanmar Idol lawng hmanh si loin Hakha khuapi ah tuahmi Lai Idol ah teinak a hmuhtu a si. US a ummi Pu Ca Hmung nih biazai dawh taktak in a hlawi rel a nuam taktak. A Biazai ttialmi atanglei ah rel khawh a si.

Kan fanu Esther Dawt Chin Sung lawmhpi țhannak Biazai: Rem hlei iangngei, donhhlei sang cung. Mukai vanlai, a hel lenbang Zaihla hluai in, na hel len maw? Cuan cim umlo, par eng SungSung Cungcuan si lai, phan tuk ah maw Bia nek bia eng, capar phai hna Lungdohma bang, a fak tuar har. Van ni sahlang, bongmal tlung maw, Pathian thluachuah a sung lawi mi, Miphun cawisang, na tuanbia cu, Sem chin chan nolh, phai len awk in Roling canglai, tuanphung phai awk. Tluangthuk laitlai, kilhkam rual nih Na zațial kut, vun chanh kan duh

Zeiti awkțha thinlung thlam in Na cung lawmhbia biazai kan phuan, Tling khipkhep te, fanu sungsung Donghnak can ah, biaphuan lai cu, Na miphun hawi, thindomh cio in, Min thanh au hnu, thawpi kan chuah. Zingțha lairel, khuakhang kan dong. Kan tumtah ngam, silo sung bik, Winner na pom, na cim thli nih Vawlei pi hninh,.na thawng phai hna. Semnak lungrawn, khua zung rual nih Tlun lai nithla, hngak hlang ngai in, Ton lai an ngaih, khupțhi rual hawi Lung sivang in, zel hna semnak.

Pu Ca Hmung
Kum……….70
Umnak…..USA, Indianapolis
Credit: Țialsang Bawitlung