World Health Organization Nih Sahring Zuar Khap Ding In Thawng An Thanh Cang. Sahring a tlaihchanmi pawl caah cun thawngchia ngaingai a si. A tu lio ah kan ton cuahmahmi coronavirus kong he pehtlai in vawleicung ramkip in organization 241 hna nih World Health Organization hna sin ah sahring zuat tilo ding in ca an ttial cang.

 

COVID-19 virus hi a tu tiang ah zeiti set in dah ai thokning a si timi hi fiangte in theih le hngalh khawh cu a si rihlo. A sinain mithiam (scientists) pawl nih a si lai tiah an ruahning ah cun Wuhan, China market in a si cu hmun ah an zuarmi thilri in minung ah a phanmi a si tiah an chim.

 

Mipi ngandamnak ding kong hi biapi ah ruah a si zungzal bantuk in World Health Organization (WHO) hna nih vawleicung ramkip ah hi bantuk in ramsa zuarnak le ramsa pawl hna hmang in mah le rak zumhning cio in ngandamnak caah rak hman hi kan phih piak u tiah an langhter. WHO hna nih hi kong ah hin tthate in kan ruahpiak u law minung ngandamnak kong ah hin kan tlangtlak ko u tiah an ca ttialmi ah an langhter. Ref: Mzz