World Health Orga­nization (WHO) nih novel coronavirus mipi thinphanter hoih in cawlcangh lo dingin ram dangdang hna biacahnak a tuah hna. World Health Orga­nization (WHO) nih cun ramdang dang hna sinah Coronavirus kongkau ah an rianṭuan ningcang cu felfai tein le hman tein langhter dingin a ti hna.

February 3 in khan World Health Orga­nization (WHO) Executive Board tonnak a voi-146 nak cu Geneva ah tuah a si i hi tonbiaruahnak ah cun rampi pakhat palai hna nih atu lio zawtnak ṭihnung Coronavirus konglam caihmai ṭinak an ngei. Hmaizar ah hin Gobal Research meeting ṭhut dingin timtuah a si i Coronavirus a semnak tiah lunghrinhmi hmun paohpaoh research ngeih an i tim.

WHO Director-Gene­ral Tedros Adhanom Ghe­­breyesus nih cun hi zawtnak hrik/sii kawlchuahnak dingah hin China ram mifim thiamsang hna kawl chuahter an si lai nak kong a chim. Tedros nih thawngpang dik lo ruangah mipi lungrethei in an ummi kongkau ah ram kip nih thawngpang dik le hman thanh dingin nawlnak le theihternak a tuah fawn hna tiah theih a si fawn.

Thil pathum chim duhmi ka ngei i, pakhatnak ah cun WHO member a simi ramkip hna nih thawngpang dik le hman phuan dingin ka nawl hna. A pahnihnak ah cun Member ramkip nih International Health Regulations (IHR) dohkalh in phunglam le lam ser loin dingin ka nawl fawn hna. A donghnak bikah cn Public le Private Sector hna ṭan ṭiin hi zawtnak ṭihnung hi doh ṭinak u sih ramkip sinah chim le cah ka duhmi a si” tiah WHO Executive Board meeting-ah Tedros nih cun a chim.

Novel Coronavirus zawtnak a ngeimi lakah 100% hi 99% China ram chungin a si i 1% hi ramdang in a si. Hi ruangah hin Tedros nih cun mipi lungreitheihter lo dingin nawlnak le theihternak ramkip sinah a tuah hi a si. VGL