Admin||05| Biangreithlep 11|2020|| Coronavirus kong ah World Health Organisation pawl nih mipi sin ah ralrin peknak bia an chim ṭhan cang. WHO pawl nih an chimmi cu hi bantuk in coronavirus in a dam cangmi hna pawl hi COVID-19 zawtnak an ngei ṭhan kho ti lai loh timi tehte a um hrimhrim loh tiah an chim.

Cu lawng silo in vawlei hruaitu (world leader) pawl WHO chiefs nih ralrin an peek rihmi hna cu mi pakhat khat nih zawtnak a rak ngeih cang ti hmuhchuah a si tik ah a zawtnak in khawmh khawh ding in an kamh khawh ṭung hna lo caah faak tuk in kherhlai le tuahto cu a ṭha lo tiah an chim.

UK cozah nih minung 3.5 million hna cu an thatur tahnak in heh tiah kherhlai an i zuam nain zawtnak a rak ngei ciami hna caah cun zei hmanh a tthahnem hlei lo. Cu bantuk ṭhiamṭhiam in mi rampi cu a phunphun in hneksaknak an tuah hna. HIV hneksaknak ah tuahmi phun pawl zong in an tuah rih hna. Cu ti cun zawtnak a ngei cangmi pum cu virus dohnak caah a phunphun in kherhlainak ah hman an si tiah an chim. Hi bantuk hneksaknak ah an hman bikmi cu antibody tests pawl an si.

United States Stanford University scientists pawl nih an hmuhchuahmi le an chimmi cu California mipi dihlak zatuak pali cu hi zawtnak nih hin a phanh dih men cang ko hna lai tiah an chim. Khat lei kam ah Swiss in Roche nih antibody test hi a ṭhahnem ko. Hi hneksaknak hin COVID-19 nih a rak phanh cangmi hna pawl kan hmuhchuah khawhmi a si ko.

An zawtnak a langh rih lomi pawl zong hi hneksaknak hin kan theih khawh te mi a si ko tiah chim a si ve. A sinain WHO director Dr Mike Ryan nih cun a duh ve bak lo. Hi kong ah a ho hmanh nih bia kamh khawhmi a um lo tiah faak pi in a al hna. Ref: Dailymail