WHO Nih Global Health Emergency Ah An Thanhnak An Tuah Cang

World News

WHO Nih Global Health Emergency An Phuan Cang: China ram Wuhan khua in a chuakmi Coronavirus zawtnak cu a karh chin lengmang i vawleicung pumpi nih ṭihmi zawtnak ah ai chuah. Minung 213 an thi cang. Nihin January 31 tiang ah hi zawtnak a ngeimi hi ram 23 ah minung 9944 an si cang. China ah 9809 ramdang ah 135.

Image result for wuhan coronavirus"

Ramkip ah a karh chin lengmang lai ti an phan caah zahan chun ah WHO nih Global Health Emergency ah an phuan cang. A sullam cu ramkip nih hi zawtnak a darh chin lo nak ding thil tuah cio hrimhrim ding ti nak a si i ram tampi nih China ram in-ah khuatlawn lo ding timi le vanlawng zuanter lo ding tbt. nawl (order) hi an chuah cang. China economy hi faak ngai in a hnursuan te khawh men.

Image result for Global Health Emergency"

Relchih. TRUMP A RIAN IN PHUAH DING: Kehdak “Democrats” pawl nih President Trump a rian in phuah “Impeach” an timhmi cu Senate zong ah ceilak an ceih ve cang. Nain Kehdak Impeachment Managers pawl nih withness dang auh-chuahpi rih kan hau tiah a dih lei ah an nawr chih len hoi hna. Zu ai tha-za deuh lo i hrai khat te cu a baa in van kan thlet ta rih ko a timi an lo pah. Withness dang auh rih ding le ding lo hi hmaizarh nikhat ah vote thlak te dawh an si.

Image result for trump"

R lei in minung 2: Mitt Romney le Susan Collins nih withness dang auh dingin Democrats pawl vote pi an timh hna. Kehdak pawl nih a dang pakhat an sawm khawh rih sual ahcun vote hi 50-50 a si lai i Supreme Court Chief Justice John Robert nih bia a khiahpiak te hna a hau kho mi si. Midang nih an vote pi ti hna lo ahcun withness dang auh i biahalnak tuah ti lo dingin biakhiahnak “verdict” an tuahpi colh te hna lai ti zumh a si.

Atu tiang ahcun Kehdak pawl nih Withness dang “John Bolton” hi a auh i biahalnak an tuah rih zong ah Senate a tam deuh nih cun an hnatlak pi hlei ti hna dawh a si lo. A ruang cu Senator 100 ah Republicans “Or-sen” 53 an si i Democrats le Independent hi 47 an si. President Trump a rian i phuah “Impeached” ding ahcun a tlawm bik Senator 67 nih phuah dingin an lungtlin a herh. Kehdak nih vote 67 hmuh ding cu chim lo vote 50 hmanh hmuh khawh dawh an si lo.

Republicans lei lawng si lo in Democrats lei zong in minung 2 nih President Trump a rian ngai ngai i phuah “impeached” tuah ding cu kan vote lai lo an tiah zapi theih in an phuan cang. Cucaah Democrats pawl nih kum 3 renglo President Trump Impeachment tuah an timhmi hi pakpalawng; caan le phaisa paam men ceo a si ti a ruatmi an tam chin i kum 2020 zong ah President Trump hi an thim ṭhan te ko lai ti an zumh. Credit: The Chin Voce

Leave a Reply