Covid-19 pulrai zawtnak hi vawleipi ngaihchia riangmang in le ṭamhal riangmang in a chia taktak cang. A bikin inn le umnak hmanh ṭhaṭhi a ngeimi lomi zawn ruah ko ahhin ngaih a chia i an caah cun ngaihchiat le lungretheihnak in a khat. Tutan zongah World Health Organization (WHO) Director-General Tedros Adhanom Ghebreyesus nih a chimmi cu vawleipi i a rel rel cawk lo mi tampi lakah cheukhat cu tak khawlhnak sapiah le din awk ti a ngei a lomi an um cang tiah a chim.

Geneva i virtual press conference a ngeihnak ah WHO hruaitu pakhat nih a chimmi cu atulio zawtnak a karh cuahmahmi Covid-19 pulrai zawtnak chungin i kilvennak a ṭha bik hna lakah ai telve mi cu kut thiang tein i ṭawl le chiah hi a si tiah a chim.

“Kut thiang tein chiah le i ṭawl hi nunnak le thihnak karlak i damna petu (phak pitu) pakhat a si kho. Kut thiang tein chiah hi a karh cuahmahmi Covid-19 pulrai zawtnak le zawtnak dang lak in, pumpak, chungkhar le zatlang mipi i vennak caah a herh taktakmi thil pakhat a si,”tiah a chim rih.

Covid-19 pulrai zawtnak le zawtnak dang caah rianṭuantu hna himnak caah le sapiat serchuahnak leiah investment karhter i, ti thianghlim hmuhnak ding lam zong hi ruah aherh ngaingaimi a si tiah WHO hruaitu pakhat nih cun a chim chap. Covid-19 pulrai zawtnak hi a thiamsang hna a tam le ram hruaitu a tam deuh nih cun China in aithawkmi le a sermi a si ko ti hi an zumh bikmi a si. Cun, US le bang nih cun nih a sermi a si ko ti tehte zong a um cang tiah an chim ve. Source:VLN