President Trump Nih Martial Law Chuah Dingah Ruahnak Hal Hna: President Donald Trump nih ruahnak a petu hna cu a auh hna i martial law chuah khawh a si le si lo, martial law chuah ah zeidah a cang kho? martial law chuah in zeidah an tuah khawh timi le US phunghram ah martial law chuah khawh a si le si lo ceihmainak tuchun ah an ngei.

Martial Law chuah ding ruahnak hi General Michael Flynn nih a chuahpi mi a si. President nih martial law a chuah hnu ah ralkap nih a herhning in tuanvo an laak lai. White House ah Joe Biden lut lo dingah an kham lai. Swing state 5 ah vote firnak le hrokhrawlnak a ummi vialte kherhhlai dingah special counsel caah Sidney Powell tuanvo pek an timh. Tuanvo an pek taktak ahcun voting machine pawl le vote firnak le hrokhrawlnak vialte an kherhhlai dih lai i, report an pek lai.

Martial law an chuah taktak ahcun vote thlakning le vote relning a buai tuknak, Battle ground state 5 ah thimnak a thar in tuah a si kho men. Asinain US constitution nih a onh taktak le onh taktak lo fiang tein an chim kho rih lo. President Trump nih biachahnak taktak a tuahmi um rih lo. Credit: Salai Lairamthang

Relhih: Trump Bawmhnak Vuihnihnak . Zahan nai karaktialmi tharchuah. A Vuihnihnak bawmhnak cu check in $1200 cio hrawngtal cu kuatthan kan si cang lai. Trump nih theihternak a tuah cang tiah ka raktial cang kha. Pakhat khuasa cu $600 hrawng a si lai.  Adilak kong cu ka tial lailo, inn chungkhar dang kan si caah ai dang lai titu theihah a tha. An kan kuatte ko lai, i ruahchan ko usih. D he R he kan dihlak caah a si ko lai. Kan hnulei zong kan dihlak caah a si ko kha.

Kanmah dong cu kan hman cang. Malaysia holh in bawraw kan cawi cang. A vuikhatnak bawmhnak cu Trump bawmhnak cu kanmah ichiah lo in lailei kan chungle an dihlak kan phawtzam dih hna. Atu zong a phak hlanah kan nu kha Trump bawmhnak a phanthan lai ka ti I, lailei Merry Christmas lawmhnak laksawng cah tiah a phawtzam dih hawi cang.

Trump bawmhnak hi lailei kan chung lei an I lawmhnak ah a cang. Kanmah cu a kan pek ko nain lailei zawn kan ruatve hna. Trump nih kan zawn a kan ruahmi bantuk tein kan chung le hi an zawn kan ruat ve hna. Kha a rau lailo a ra zau lai. A tlawmtam le a zat cu ka tial duh lem lailo. Kei cu chunmang chim long ka thiam. Ref: J.T.Z.T