Chin ramkulh, lamsul lei vuanci U Sui Thio cu a mualpho cikcek cang ko hih. Pu Sui Thio nih a rak chimmi cu fangkhat ka eihmuar ah cun thi ning tiangtiang in biafang dawh lo taktak a rak hman. Nain, Tutan interview an tuahnak ah Timit le Tita karlak ah dum ngeitu nu nih kum 3 chung hling an khulhnak a si cang hlei ah chungkhar signboard zong special in an tar cangmi a si fawn.

Pu Sui Thio nih King Solomon Company pawl a pek hna i, zeiruangah dah King Solomon Company pek cangmi cu atu tiang nan hrawk lo, tiah thingram lei riantuantu pawl cu a sik hna tiin a langhter fawn. 2018 February thla chungah Rinpi lam tender soktu pawl nih an pek tiah fiang tein a langhter cang ko. Tangka an cawimi hi ting 20 a si i, an pek mi taktak tangka hi Ting 30 a si. Pu Sui Thio nih a cohlang hnu ah ka lung a faktuk i tangka na cohlang cangmi rak kan kir than tiah facebook cakuang chungah ka rak tar cang nain, nihin ni tiang zeihmanh a um rih lo.

Pu Sui Thin hi a eihmuar taktak ko, keimah pumpak hrimhrim nih ka hmuh tiin a chim. Pu Sui Thio tangka ting 30 an petu pawl hi Tamu lei in tender a sokmi an si i, nihin ni tiang Rinpi lam rian zong an tuan ko rih tiah a langhter. Ka naunu inn in tangka a lakmi le an pekmi hi ka theihmi le ka hmuhmi a si caah ka chim ngam tiah a phuan piak ko cang.

Pu Sui Thio eihmuarnak kong cu mi tampi zong nih an chimh len ko nain, keimah nih pumpak in ka theihmi le ka hmuhmi a si lo caah ka chim lai lo. Keimah ka naunu sinin tangka ting 20 an lakmi an pekmi cu a dikmi a si ko tiah fiang tein a mual a pho cang ko. Vuaici pakhat dirhmun in biadawh lo le thil sining lopi in biachimh hi tihnung tukmi a si. Minung kan nunnak ah kan hnu lei in zei bantuk thawngpang le thil sining nih dah a kan zulhdawi te lai timi zong ruat chih pah a herh ngaingai. VIDEO timi hmehpiak law video zoh khawh a si lai.

Note: Hi hi thawngpang kong he pehtlai in Vuanci Pu Sui Thio mualpho duh ruangah si loin kan ramchung ah eihmuarnak hi biatak tein dohti usihlaw, thil ningcang tein a kal khawh nakhnga mipi theih a herh ko tiah kan vun langhtermi le video a si.