Atu lio Online ah a hunglar ngaimi cu, Myanmar Vice President Henry Henry Van Ṭhio nih a chuahkehnak Tikir khua UPC biakinn aknak lawngah phaisa a hlut tiin chimceihmi a hung um pah len. Hi kong he pehtlai in atanglei ah Peter Ngun Za Cung nih fianternak a rak tuah.

Peter Ngun Za Cung,“VP Henry Van Ṭhio nih Chin State 9 Township um Khrih fabu 14 ah Biakinn saknak a hlut hna ti thawng kan theih. VP Henry Thangchiat duh ah FB deu ai tuah mi pawl nih A umnak UPC biakinn saknak lawng ah phaisa a hlut tiin a phunphun in thangchiatnak ca an thlah i, mi tampi nih an ni zumh caah a hmanmi, thildik nan theih ding ah tehte hman he ka van post nak asi,” a ti.

Peter Ngun Za Cung nih a tu bantukin Vice President Henry Henry Van Ṭhio cawlcanghnak fianhternak a von tuahmi cu a ṭha ngaingai. Cun, kamkhat leiin kan i fianh a herhmi cu, ram hruaitu pakhat dirhmun in kan dir tikah, kan hnulei ral kan a kan soiseltu le dohtu an um lengmang ti theih a hau.

Atu bantukin Vice President Henry Henry Van Ṭhio rianṭuanning si loin a rak chimmi zong an um len lai. Mi tam deuh nih a rianṭuanning a thei lomi zong an um lai. Atu bantukin mipi sinah thil sining fiang tein theihter hi a biapi ngaimi a si.