Voice of Myanmar Ah Editor A Tuanmi Nay Myo Lin Cu Ralhrang Puh In Cozah Nih An Tleih: Myanmar ram Journalist/ Editor minthang pakhat, “Voice of Myanmar” ah Editor Chief a ttuan mi Nay Myo Lin cu Myanmar cozah nih Rakhine state ah ralhrang Arakan Army hruaitu pakhat cu ton biaruahnak a ngaih pi tiin, Myanmar cozah nih ralhrang (terrorism) bantuk ah puh in tuzarh cacawn nikhatni ah khan an an tleih. Mah kong cu Reuters le AFP zong nih thanh in, Reporters Without Borders le International Human Rights hna nih mMyanmar cozah sualphawt in, chuah dingin an ti pin ah “Press zalawnnak” a hramhram in na tlaih tiin Myanmar cozah cu an puh.

A cunglei kong he pehtlaiin Nay Myo Lin nih cun March 27 ah khan Arakan Army (AA) hruaitu cu ton biaruahnak a ngeihpi i, atu lio cozah ralkap he an i kahnak kongah remnak a um khawhnak dingah tiin, mipi nih ngaihven zawng (public interest) ka tuahmi asi tiin a chim ve. Nay Myo Lin hi Court nih na palh ko tiin sual an phawt ahcun a tlawmbik kum 3 tiang thong a tla kho.

Kan theih bantukin Myanmar cozah nih March 23, 2020 ah khan AA ralhrang hna cu ralhrang (terrorist group) ah thanhnak a rak tuah cang. Nay Myo Lin nupi Zarni Mann nih cun a pasal Laptop zong an tleihpiak ti chim in, Zarni Mann hi The Irrawaddy, thawngthanhnak ah a ttuan mi si i, Mandalay hrambunh ah chuah mi asi. A pasal Nay Myo Lin zong hi hmun ah a ttuan ve mi a si.

Nicholas Bequein, Amnesty International hruaitu nih a chim mi cu, “Myanmar cozah nih hin Nay Myo Lin hi an chuah awk asi tiah a chim ve. Myanmar cozah nih hin kum 2018 ah khan Reuters journalists 2 cu, Rohingya muslim thahnak (massacre) le buainak kongah a hmun ah hlathlainak atu mi hna pahnih cu an rak tlaih hna caah vawleipi tiang nih fak piin sual an rak phawt bal cang. A hnu ah President nih a ngaihthiam hna ruangah thongin chuah an rak si. Reporters Without Borders nih an langhter ning ahcun, Myanmar ram cu Freedom of Press ah vawleicung ah ranked 138/180 nak asi tiin an phuan.