Ram hruaitu nih cun VISION ṭha sullam angeih awk a si.A vision hlawhtlin khawh nak dingah cun MP, Chief Minister,Minister si kho dingin ai zuam awk a si. Vision sullam ngeih cia lo mi caah cun Miniter le Chief Minister si duhnak lawngin MP i cuh hi thil ṭha lo chuah ter tu an si. Pasal vawikhat chuah ve manah MP si ve hrim2 ti hi kan politician hna i tinh mi hna a si sual maw? MP Minister si khawh ve hrim2 hna hi hlawhtlinnak bikah ai ruat mi hna kan um sual maw? MP Minister zong va si hmanh law,na ṭuan chungah ṭhanchonak ram le mipi sin a phak ṭung lo i,na nawl ngeihnak tangah mipi an retheih an sifah peng ṭungah cun ram hruaitu ṭha le hlawhtling tiah an in ti kho ngha maw?MP Minister tiang a phan kho (tling kho) nih ram le miphun caah rotling thil zei dah na tuah i, (ro)na chiah.

Ram ca tuah mi le chiah mi nei ṭung lo in na cân (term)a dih ni cângkã mipi nih kan philh colh ding mi hruaitu na si sual lai maw? Ram miphun hruaitu ṭha kan tahnak ding cu a rianṭuan mi le phung ning tein a hma lâk nakin a si ko ngha lo maw? Dirhmun sangah dir le nawlngeihnak i tleihin kum 5 chung ram le miphun caah rotling thil zeizat dah na ram le miphun caah chiah mi na neih? Na nawl ngeih cân chungah mipi zapi dirhmun a ṭhangcho maw?

Na khawkhân nak tangah mipi kan i lawm maw? Kan hna angam maw? Cozah cu zapi huap cozah a si maw? Hi hna hi hruaitu ṭha kan tah nak ding (criteria) a poimawh ngai mi cu an si.MP Minister a si zongah Chief Minister zong si seh, a cân (term) chung i a khawkhân mi mipi zapi dirhmun cawikân nak a tuah ṭung lo ah cun hruaitu hlawhcham a si ṭhiam ṭhiam.Dirhmun sang le nawlneihnak sang bikah ṭhu hman seh law,ṭhatnak lei maw,thil sining dingin a hmang chuak kho lo ti nak a si.

Ṭingṭang zong hi a tum thiam music thiam mi nih an tum ah cun hla dawhte sak nakah le ngaihnuam anuam tuk mi aw a chuah tawn.Hi ṭingṭang ṭhiam ṭhiam hi a tum athiam lo mi le music a nghal lo mi nih D kye zong a thei lo mi nih ai tleih i a tum tikah cun sullam ngei lo zapi nih hla sak pi khawh ding a si lo.A kye a theih lo maw a thiam lo cangah cun sang tukin a lak, niam tukin a lak ṭhan zapi nih zulh awk le ṭawm pi awk ṭha lo a chuah cang.Ṭingṭang kha kan mawh chiat lai maw?

Ṭingṭang cu a ṭha ko e ṭingṭang ai tlaih tu kha a thiam lo ruangah a si.Lai mi kan lungfim cang u sih kan miphun te nih kan hruai cang seh miphun le ram ca a dir mi an si..Party dang hi an ṭha lo a si lo a kye an thei lo a tum an thiam lo ruangah a si..Kan ram kan miphun an dawt tuk ve ko thih ngamhin an ṭuan an tuak ko a tum zia an thiam lo si kan hla sak mi a lai lengmang rih a kye dik a tum thiam nih an tum cang lai i ruang tein hla kan sa kho cang lai e. Ka nawlh rih lai hruaitu nih cun vision sullam nei mi a neih awk a si.A vision hlawhtlin khawh nak dingah cun Chief Minister Minister si khawh nak a kawl lai i,ai zuam awk tu khi a si.

Abraham Lingcoln nih cun minung cio cio sal i tuah peng mi hi a dik lo tuk, minung dik nak covo (human rights) i lak piak a si tiah a ruah caah sal luat nak tuah kho tu si dingah cun an ram President a si lo ah cun sal luat nak lam a um lo ti fiang teiin atheih caah (clear cut vision) hlawhtling ding in President si khawh ai zuam leng mang a dawngh nakah ahlawhtling i President a ṭuan ni thawk bakin a vision hlawhtling dingin kâr ahlâng colh.

A tha baat le a râlṭhat nak ruangin SAL hna nih luat (zalawn) nak ni ceu an hmuh. George Washinton cân lio maw Benjamin Franklin cân hna ah khan SAL hna nih khan zalon nak rak hmu hna seh law,Abraham Lincoln nih US President si nak ai zuam duh lo kho men an ti.Hruaitu ṭha nih cun thil tinh mi vision an ngei i,a hlawhtlin khawh nak dingah cun Bawi ṭhutdan le nawlngeihnak cu hriamnamah hman a herh ruangah a si. CNLD hruaitu hna hi an vision kan ram le kan miphun caah ahlawhtlin nak kan hmuh i,kan covo kan tin khawh cio nak lai CHIN mi ṭuanvo kan nei ve cu cu na vote kha a si.CNLD kan ram kan miphun aiawh tu CNLD na rak vote ve hrim hrim lai mu..Thanks.

Caṭialtu:Kawlramthanga Thlauhthang