Vice President Pu Henry Van Thio nih Chinmi akan Upat taktak le Zei a kan rel asi ah cun Tuan deuh pi in arak tlun i Camping a tuah ve awk asi. Candidate dang pawl cu a thla thla in caan an laak, khuakip ah caam hnawh in an i tinh mi le an saduhthah an chim i camping an vak. Camping Period hna ah hin cun Development tuah ding hna cu buai rih ding asi ti lo (cozah department cio in an rian an rak tuan cio awk tu asi) Hmai lei kum 5 caah timh tuahnak le chunmang chim caan asi cang. Cu cu Federal & Democracy Culture asi.

Vawlei cung Vice President le President dang pawl zong camping Period hi biapi ah an ruah i caan laak te in mipi sin ah Camping an tuah Chunmang an chim hna. Atu cu Zarhhnih khat ah khuami pawl va pal luklak in Tamadah sinak bantuk in Rammi akan tlawn hnawh hi a phung asi ti lo. Note: pumpak thangchiat asi hrim lo rammi le Hruaitu hna kar lak pehtlaihnak le asi awk asi dingmi kong tu kha vun langh ter duhmi asi. Credit: Salai Phuntanh Kawi Pui hmehpiak law video zoh chih.

By Zasang Cinzah. Relchih>>>>>>Zeiruang ahdah Chin Chin Pekthang thimfung pek ding a si? timi hi amah Chin Chin nih a page ah a taar caah a mah ttialmi a si lai ka zumh. Midang nih an ttialmi a si ahcun catialtu min aa tel ding a si nain catialtu min ka hmu lo. Cucaah, amah ttialmi ah ka confirmed phawt.

A ttialmi ah ka ruah a rem deuh lomi pakhat te cu:) # 2010 ah tlangparmi parties in teinak a hmumi siseh, a hmulomi siseh, an upat i an hmaizahmi lainu a si” caah thimfung pek ding a si timi points zawnte hi a si. Upatmi le hmaizahmi ka si caah thimfung nan ka pek awk a si tbk lei in von lak piak ding ah ruah a rem lo ngaingai ka ti. A dang points tete zong critics view in von char khawh ding a tampi rih 🙂= copy- pasted

Zei ruang ah dah Chinchin Pekthang thimfung pek ding a si? (2) Kum 2012 in tlangcung party a pikpak in a um mi hna khawm in Nationalities Brotherhood Federation (tlangcung unau bu) tiah party 20 renglo rem tein lam a hruai kho mi a si. Kum 2010 thimnak ah teinak a hmu mi tlangcung party hruaitu nih siseh, teinak a hmu lo mi party hruaitu nih siseh, an upat i an hmaizah mi Lai nu a si. Sayama Chinchin tthithruainak tang ah tlangcung party rian an ttuantti khawh ruang ah, 2008 phunghrampi zong remh khawh nakding lam an sial i thil pipa pahnih ah hlawh a tling.

Tlangcung unau party fonh nih an chuahpi mi cu hluttaw zong an lung a tlin ve caah Pyidaungsu Hluttaw upadi 8/2015 cu an fehter kan ti khawh. Cucu 2008 phunghrampi ah a um mi tlangcung miphun covo kongkau rianttuan nakding ah “tlangcung miphun covo kongkau zungpi” (Ministry of Ethnic Affairs) an ser mi a si.

A pahnihnak cu, Pyidaungsu Hluttaw upadi 45/2015 a si. Cu upadi cu 2008 phunghrampi daltthen pahnihnak zawn ah chapchuan ding mi tlangcung unau party kip fonh nih an chuahpi i an hal mi a si. Cu an chuah pi mi cu cozah le hluttaw zong nih an cohlan i an fehter. Hiti kan ti tik ah tlangcung unau party fonh ruang ah upadi an remh khawh tinak a si thlu lo. Upadi remh khawh nakding lam an sial (initiative) kan ti duhnak a si.

Kum 2013 in kum 2015 tiang cozah ralkap, hluttaw, tlangcung dohthlennak hriamtlai bu, ramkhel party le telh awktlak tiah an telter mi hna tthutti in rampumpi remdaihnak bia ceihkhan a si tik ah Pi Chinchin hi tlangtlatu le meeting hruaitu pakhat ah ai tel ve. Cu bantuk in ai tel khawh ve mi cu ceihkhannak ah ai tel mi hruaitu zate nih an hngalh i upatnak an pek lawng si lo in, Lai nu pakhat i a thilti khawhnak le a fimthiamnak an hmuh zong a si caah Lai miphun hmai a hngaltertu a si.