Video: US Palik Nih Chinpa A Hrut Mi Faktuk In An Velh, Lungthin A Fak Ko.

Chin News

Video: US Palik Nih Chinpa A Hrut Mi Faktuk In An Velh, Lungthin A Fak Ko. Ralzam in USA a phan mi Chinpa cu US palik nih theih palh in misual ah an ruah caah a thi chuak dihlak tiangin an velh. Chinpa hi mifim, milungtling a si ve lo pinah mirang holh zong a thiam ve lo. A hnu ah palik pawl zong nih mihrut asi le misual asi lo zong an i fiang tthan i, ttha tein an bawmhchanh tthan”tiah theih asi.

Tutan ah vanchiatnak a tongmi Chinpa hi Tedim lei mi a si tiah theih a si i, mirang holh zong a thiam lo mi asi. US palik hi minung 3 an si i, Chinpa mihrut pa cu fak taktak in an velh caah a thi zong a chuak dih. Thil sining an theih hnu ah anmah nih siizung ah an kalpi tthan. Video a thlatu pa nih” US palik cu taza cuai bak an hau. A hrut mi velh phung a si lo ti zong a chim chih mi theih khawh a si.

Note: Harnak a tongmi Chinpa hi US i a umnak hmun le hma langhter a si lo pinah a umnak state zong langhter chih si lo. A tanglei video hin zoh ve hmanh na lungthin a faktuk ve hrim lai.

Relchih. Vawleicung Ah Kan Tonmi Buainak Nganbik Zeidah A Si? Billy Graham Bialehnak Biahaltu: Nihin ah kan tonmi buainak ah zeidah a nganbik a si tiah na ruah? Khrihfabu Bible kan cawnnak ah kan ceih lengmang ciomi a si i, ahohmanh kan ruahnak aa khat kho lo. Kan hmuh ning le kan ruahnak aa dang cio dih hna. Zeitin dah na ruah ve?

Rev. Billy Graham: Vawleicung ah kan tonmi buainak ah a nganbikmi cu ‘minung lungthin’ hi a si. Bible nih fiang tuk in a kan chimhmi cu ‘Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang’ a ti Jer. 17:9. Kan buainak vialte hi kan lungthin in aa thokmi lawng an si.

Ruat cio hmanh u law, kan i phorhlawtnak le kan i uahnak hi hlonh kho hna u sih law a tlingmi vawleicung ah kan um ko hna lai. Pakhat le pakhat karlak ah rualremnak tling kan ngei dih hna lai. Raltuk zong a um lai lo; rem lonak zong a um lai lo; uhtanhnak zong a um lai lo. Huatnak le hnahchuahnak vialte an lo dih lo.

Dawtnak le zaangfahnak le upatnak lawng tein kan khat dih hna lai i, Bible nih a kan kamhmi ‘Ram nih an vainam an la ti lai lo i, anmah le anmah an i doh ti lai lo; raltuknak caah raltuknak zong an cawng ti hna lai lo’ a timi vawleicung ah kan um hna lai. Isaiah 2:4. Sihmanhsehlaw vawlei ser hramthok kaa in kan lungthin ah hin tihnungmi hrawhhralnak he kan rak cawlcang cang. Zeitluk kan i zuam i, kan nunnak uk kan timh i, tlaih kan timh zong ah kan tlai i kan uk kho ti lo. Kan lungthin sualnak nih a kan uk i a kan mongh cang. Kan lungthin in a chuakmi sualnak dongh a thiam ti lo.

James nih cun ‘Nan i siknak le nan i velhnak vialte hi khuazei in dah an rat? Nuamhnak nan duhnak in an ra i, cu nan duhnak cu nan pum chungah khan anmah le anmah aa do lengmangmi an si lo maw?’ a kan ti James 4:1. Cucaah nihin ah kan herh bikmi cu Pathian sinah mer i, kan sualnak i ngaihchih i, nunnak thar ngeih hi a si. Hihi a si kho maw? A si kho ko. Pathian nih a kan dawt tuk caah a Fapa Jesuh Khrih a kan pek. Vawleicung hi a tihnung tuk cang. Jesuh Khrih ah kan i mer i, Amah sinah kan nunnak kan pek ahcun a kan thlen lai i, a kan kamhmi daihnak a kan pek ko lai. John 14:27.

Posted by Myanmar Chin on Tuesday, 12 November 2019

Leave a Reply