{VIDEO} US Chin Biakinn Bauhtu Mifir Pa An Tlaihning Le A Bauhning
Tuzarh nithum zaan le nili zaanah khan mifir nih kan Biakinn an bauh i kan Camera, computer le TV tipawl ceilak an fir. Nizaan ah kan Biakinn kutka le thlalangawng pawl kan remh dih ko nain thlalangawng an bauh i an lut ṭhan. Tuzing pumh kan kal ah an bauhnak cu kan hmuh i Police ka chonh colh ṭhan hna.
Palice minak nu te a hung ra, thil sining ka chimh i a ka halmi cu “Pawngkam he lung ihmuh lonak nan ngei bal maw?”tiah a ka hal.
“Zeibantuk hmanh pawngkam le mi he problem kan ngei ballo. Kan Biakinn area bel te hi naite ah kan kulh i kan pawngkam pa hi a truck nganpi hnuhmai i hernak ah kan area hi a hman tawn i, kan kulh hnu hin a truck cawlcanghnak a bi deuh cang in kan cung hna ah a lung tling lo ziar sual pingpang hnga dek maw ,” ka ti.
“Mizei dah si Minak si maw? “ tiah a ka hal colh, “Silo mirang si ko,” ka ti.
Ka lung chuakmi cu anmah police minak zong nih vunhawng thleidan ruang ah si loin thilkal tawn ning le an hmuhton ning zohchun hin misual he pehtlai cun minak an si men lai timi ruahnak auto in a chuak ko himu timi a ka ruahter colh. Mifir pawl an cawngcanghnak le thil sining ka chimh cuahmah lio ah, inn khan pakhat achunglei in ai hrenh kan on hnik i achunglei in mifir pa nih cun a rak tlaih.
Kan lau khawh ning cu aaaa!!! meithal ai ken le ken lo kan hngal lo cumu. Police nu nih na ong lai maw police ka si hih tiin a vun hro i cuhnu ah a van on i a tlaih. Police minak nu te kai siter ah a fawi lo. US cu mi sawsawh nih meithal ngeih cio khawh a rak si tikah ṭih a nung tuk. Mi ralchia ca lebang ah cun ruahlo in a herh lo ah mithah sual a fawi lai ning.
Misual mi hna kan zawnruah hna bantuk in Police pawl dirhmun khi ruahpiak chih an hau bak timi a ka ruahter chin. Kan thilri an firmi hi thong 15 man hrawng a si lai kan zumh.
Khuaruahhar pakhat asi mi cu zaanthum tiang an lut i blanket tiang hmanh an fir ahhin pulpit cung i thil man fakfak pawl cu pakhat hmanh an tawng lo.
Mifir hi a dang an um rih lai kan zumh an cawlcanghnak zoh tik ah nain pakhat lawng tlaih si tikah a dang an tlaih than khawh nak hnga le mifir pawl zong Jesuh he an iton i nunthar an hmuh khawh nakhnga thla rak kan cam piak cio ve ulaw.
Caṭialtu: H Thapeng Lian