June 3, Timit, Vankham operation hmunah Jet, Langta nih kan ralkap a kah cuahmah hna e!! Kan ralkap hna hi mah lakah nitin an nun an hmanmi hi i fiang cio hna usih.By Salai William Hlawnceu. hHI KA LINK HI HMEHPIAK LAW RALHRANG NIH A KAH LIO VIDEO ZOH KHAWH SI.

Cabia dang: SAC Le Chaklei Hriamtlai Phu 3 Tonbiaruahnak Cu A Ni A Tlin Hlan Ah An Ngol. China tawlrelnak in Shan ramkulh Mongla ah tuahmi SAC le chaklei hriamtlai phu 3 hna, MNDAA, AA le TNLA tonnak cu a ni a tlin hlan ah an ngol tiah theih a si.

Tutan tonnak hi June 1-3 tiang tuah ding a si nain SAC nih biatung an chuahpi mi hna cu chaklei hriamtlai phu palai hna nih a ngaih lawng an ngaih i an ruahnak le hmuhning zeihmanh an chimrel duh lo caah a nihnihnak June 2 ah an ngol nak a si tiah TNLA in palai pakhat nih RFA ah a chim.

AA in chimnak nawlngeitu U Khine Thu Kha nih “SAC nih an chuahpi mi biatung hna he pehtlai in zeihmanh kan chimrel lai lo” tiah June 1 ah khan a chim cang. Tutan tonbiaruahnak SAC lei nih zaukphung le federal kong, rampi daihnak le ṭhanchonak kong, khatlei le khatlei i zumhngamnak kong biapi in an chimrel nain cu kongah chaklei hriamtlai phu 3 a si mi AA, MNDAA le TNLA palai hna nih zeihmanh an chimrel duh lo.

Chakeli hriamtlai phu 3 palai hna nih cun SAC nih an tlaihmi vialte thlah ding, phungninglo bu cazin in hlonh ding le Rakhine ramkulh i Mocha thlichia a tuar mi mipi hna nih a rannak in bawmhnak an hmuh khawh nakding kong lawng an chim tiah theih a si.

SAC lei nih biapi ngai in biatung an chuahpi i an chimrel len lioah chaklei hriamtlai phu hna nih zeihmanh an chim duh lo mi le a ni a tlin hlan ah tonnak an ngol mi nih chaklei hriamtlai phu unau pathum hna tiah theihmi AA, MNDAA le TNLA nih SAC zei an rel lonak a langhter ngai tiah ramkhel thiamsang hna nih an chim. RFA, Khit Thit Media