Tan Khun Kyaw Nih Hringtu A Nu Sin A Chim Mi Bia Cu Ngaihchia Bak Ko: Myanmar Idol Season 4 zuamnak in a chuahsemnak lei ah a tlung cangmi Tan Khun Kyaw cu Tutan Myanmar Idol season 4 zuamnak top 8 in a tlak hnu in mipi nih an uer i, thazaang an pek chin chin. Yangon um Naga Baptish Church zong nih hlasak ah an sawm colh.

Tan Khun Kyaw nih Myanmar Idol a chuah taknak a ruang cu Vote a hmuh mi tlawmtuk ruangah asi”tiah chim le ceih cio asi. Hi kong he pehtlaiin Judge Phyu Phyu Kyaw Thein zong nih a chim mi cu, hi kongah chim dingdang kan ngei lo, chimthiam a har. Mipi nih tuahmi le vote ning in a kalmi asi ruangah zeihmanh tuah khawh mi kan ngei lo.

Tan Khun Kyaw tlaknak kongah kanmah Jugde lei nih tuah khawh mi ngei usih law a cungah hi bantuk a tlung hnga lo, sinain hi kongah mipi biachahnak asi bantukin zei ti awk ttha hrim lo,” tiah a lungtthat lo nak kong cu a chim.

Tan Khun Kyaw cu Nizan, November 26 ah khan a chuahsemnak Saging, Hkamti tlung tein a phan i, hlunghlai taktak in mipi nih an rak don i, lunglawmh biachimnak le hlasak nak in caan a hman. Tan Khun Kyaw nih a chim mi cu,” Ka nu ngapih rak kio te ka rak ti bantukin atu ahcun ngapih kio ka ei tthan cang lai,”tiah a chim. Khua mi nih an don lio video kan rak tar chih.