Kan theih bantukin COVID-19 (coronavirus) zawtnak hrileng mi ruangah minung a thong leng nunnak a liam pinah minung tampi nih zawtnak an ngei. Hi zawtnak hi vawlei cung hmunpik ah a darh tikah vawlei pi thinphang in an um. Hi zawtnak kong a chimphuangtu paoh cu China cozah nih tlaih in ralrinnak a pek colh peng hna tthenkhat cu a chuah tthan hna, sinain tthenkhat cu an thawngpang theih khawh ti loin an um ruangah hi zawtnak phenah thildang a um hrim lai timi zumhnak an ngei cio.

A cunglei kong he pehtlaiin Wuhan nu pakhat nih a timi cu,”ka nunnak pek in biadik ka phuan” tiah video a thlahmi cu atu lio ah zoh bikmi pakhat a hung si. A ttah buin a chim mi cu”Wuhan zawtnak hrileng mi kongah China mipi nan lungfim cang seh! COVID-19 (coronavirus) zawtnak hi China cozah tuahmi asi i, a hlanken in zeipaoh an rak timhlamh dih cang mi asi. Mi sifak mi lawng nih hi zawtnak hi kan ton. Kan chungkhar ka nu le pa le ka hoikom vialte an zaw dih.

Kan zawtnak kongah cozah nih zeihmanh an kan ruathram duh lo, sii-ai cawknak dingah phaisa kan ngei lo i, siizung umnak ding zong kan ngei lo. Hong Kong, Taiwan le Tibet pawl zalonnak nan ngaihmi hi kan lawmhpi tuk hna. China ramchung ahcun hohmanh nih biadik an aupi in an phuang ngam lo. Biadik phuangtu paoh cu police nih an tlaih colh hna. Lawyers pawl zong nih biadik an chim ngam lo, biadik dirpi tu Lawyers paoh coah nih an tlaih colh hna. Biadik chim an timh zong ah an chim kho lo, a ruang cu hmunkip ah cozah an um dih. Biadik chimphuan dingin minung 1/2 nih a nunnak a pek a herh ruangah ka nunnak pekin ka chimnak asi.

China mipi pawl nan lungfim cang u! mi zalen kan si, ka nunnak caah ttihnung timi ka theih nain dai tein ka um kho ti lo, Ihkhun siivai a um lo. TV le Media zong nih biadik phuan loin lih le hrokhrol lawngte an phuan, kanmah bantukin zawtnak a tuarmi mipi authawng ka theih. China mipi le Wuhan mipi hna aiawh in ka chimmi asi. Phaisa ruangah zeihmanh an i theihter lo, a hnawmtamtuk mi khuatlang ah dai tein ka um kho ti lo. Mi zeihmanh nih biadik an phuang ngam lo, China mipi pawl nan lungfim cang u, hlen in um lengmang ti hlah u. Kan fale chan caah biadik dirpi in phuang cang hna usih,”tiin a ttah buin video cu a thlah.

Hi nu nih video a thlahmi hi hmuh ding um loin hlonhpiak colh asi. Korean Jones nih download manh in Feb 15, 2020 ah khan Youtube channel ah a thlah i, atu tiangah minung 690,991 nih an zoh manh. Minung 4,801 nih an comment i, a aunak au-in a tuarnak kan theih tiin comment an pek cio. Cun, Biadik a chimphuangtu hna hi China cozah nih an hloh peng hna ruangah hi nu zong hi holh asi hlanah vawlei pi hmuh dingin video hi share usih an ti. video timi hi hmetlaw zoh khawh si