Pu Zo Bawi nih NLD nih hmailei caah an i hmuitinmi kongkau fiang ngaiin a von chim cang. Tukum thimnak ah NLD nih teinak an hmuh rih lai ti hi mi tampi nih ruah le zumh an si. A ralaimi thimna kong he pehtlai in Pu Zo Bawi nih a chimmi hna.

“Tutan ah NLD nih tlangtaar (motto) kan i ngeihmi cu a pakhatnak ah rammi phyidu vialte hi daihnak tuah khawhnak ding caah kan i timhmi a si. A pahnihnak ah, ahmaanmi Democracy pyitawngsuh remh khawh le tuah khawh hi kan i timhmi a si.

“NLD nih ai hmuitinhmi cu ralkap umnak chungah kum hi vialte kum 50,60 kan um chungah hin biatak in kan chim ahcun, ralkap kha hriamnam loin a dohtu (ṭhohlanzi a tuahtu cu) cu NLD party hruaitu Aung San Suu Kyi le NLD Party kan si.

“Cucaah cun kum 10, 30 chung kherhhlainak (ṭhohlanzi) kan tuahnak ah minung nunnak hi a thong in thonginn chungah siseh, a lengah siseh nunnak pekin kherhhlainak a tuahmi (ṭhohlanzi a tuahmi) kan si. Cucaah NLD party nih mipi caah lungretheihnak le ngaihchiatnak zeihmanh tuah kan itim lo.

“Cucaah nihinni tiangah thih ngam in ṭhohlanzi kan tuahmi hi mipi thlennak ding caah le kan ram a hmaanmi federal pyiṭhawngsuh dirh khawhnak ding caah NLD kan cawlcanghnak le kan dirhmun a si.

“Khat leiin chim ahcun Laimi ram le pupa hmun a ngeimi kan si. Ning cang tein hmunhma a ngeimi cu Cozah nih ningcang tein ruah piak a si ko. Nihinni ah Halkha ah pupa ram ee kan timi hi zoh tuah usih ca. A taktak ahcun, khika ahkhin dum kan tuah i hmairem, fangvoi le anṭam kumkhat hnih kan cinmi dakaw pupa ram ti kan timi hi zoh ah ngaihchia kan a si.

“Hakha pupa ram a ngei takmi hna cu a ho ta dah a si ti an i thei dih ko. Khuate hna in kan ra i kan Pupa ram tibantuk hna kan kaa in a chuakmi cu zoh kan miphun kan ram dawt lo a si. A taktak ahcun, Hakha ṭhanchonak ding ahcun Hakha mi nih kan sersiam awk a si,“ Pu Zo Bawi nih cun a chim.

VIDEO ah tling tein rak ngai ve.

Note: Hi thawng hi The Chinland Post nih Pu Zo Bawi biahalnak an tuahmi chungin kan rak taarlangh chinmi a si. Video kan chiah chih i tlamtling deuh in ngaih khawh a si.