Video: Nu Sinak He Aa Tthen Kho Lomi Nu Chiattha Ngandamnak Kongah Dr. Pari Nih A Chim Mi

Tutan zonmgah Dr. Pari nih Nu chiattha kong he pehtlaiin ngandamnak kong a van chim tthan cang. A bikin nu sinak he aa tthen kho lomi a si caah ngaih khawh hrim zuam cio hna usih.

Dr. Pari: Kan takpum thilri hna an rian tuanning le zawtnak kong tete hi kan theih a herh caah nu kan sinak he then a ngah lo mi White Discharge kong a si. Lai biafang in ka hngalh lo caah“Nu Hnap Rang” Tiah ka phuah. Ka chim thluahmah lai caah ka caah thahnemnak a um ko na ti ahcun Dr. Pari page LIKE le Share in ka bawm cio u.

Zawtnak kong nan ka hal mi kai chiah ko. Pumpak in leh ding cu caan nih a zawh lo caah video tuin duhsah tein ka peh zulh te lai. Kai lawm. Ref: Dr. Pari- Video:

Tanglei Chiatha Konghe Aa Pehtlaimi Asi Caah Rel chih

Ngandamnak kong asi caah tha tein NU nih rel khawh i zuam hna usih. Pa zong nih rel thiam ding a si lai. Hmailei ah nupi ngei ding thiam kan si ko hna caah mu. Nu dirhmun hi pa nakin an chia deuh. Ngandamnak kong zongah pa nakin fawi deuh in zawtnak nih a tlunh khawh hna. Nu chiatha kong le ngadamnak kong zohthan tuah hna u sih. Nu chiatha chungah hin gland phunkhat asimi Bertholin gland an timi a um. Cu nih a riantuannak cu, a chiatha a cinter/hnawnter, nupa sinak hmantik i chunglei a cintertu a si. Nu chiatha hi a fak ding a silo, a thak ding zong asilo, arim zong a chia ding a silo.

Cubantuk in a si awk asimi kha Nu nih hin harsatnak kan ton lengmang. Cu harsatnak cu zei pawl dah an si ti ah cun, Pelvic Inflamatory Disease(PID): Mah zawtnak phun hi a bikin Nu nih nupa sinak a tuah cangmi cungah a tlung deuh tawn. Nupa sinak a hmang rihlo mi hna zong nih neih khawh thiam cu a si ve. Zeitindah mah zawtnak phun hi a chuah theu ti ah cun Bacteria, viral, fungal tbk ruangah a si. Cubantuk zawtnak na ngeih ah cun, Taifah, chiatha chung in hnawmtam chuah peng, chiatha thak, le fak tibantukin na um lai.

Thineih punghmanlo, Zunsip ei bantukin um peng, cun a chelah cun na luak hna a chuak lai. Thineih lio ah pangfah hi Nu tampi nih an nei. Hi hi Fungal infection asi. Nutung zong a fak i, tleirawl zong nih fak an ti thiam. Hibantuk kongah mah duhin sii ei ding silo. Doctor umnak hmunah na um ah cun sii ei ding hal ah a tha. Cun, Pangfah lawng silo in chiatha kam hrawng a thak peng ah cun Infa VT vag. cream/Candid-V vag. cream pawl hi thuh ah an tha.

A biapi ngaimi pakhat cu pawng na kal tikah tawka tawlning phun hi a si. Nu nih cun Ti(water) in na tawka na tawl ah khan na hmailei in silo in na hnulei in na kutin naa tawl lai. Na hmailei in naa tawl ah cun, hnawmtam kha na chiatha chungah luh fawituk. Cu cu Fungal infection timi aa awt nak cu a si theu. Cun, na chiatha hmul kha tha tein check peng. Chiatha chunglei in hnawmtam, avarmi maw adang dangin a chuah tikah kaikam a thak theu tawn. Cu nih cun na chiatha hmul a tlonghter khawh.

Na chiatha hmul (Pubic hair) cu a tla peng a si ah cun thiang tein ziah ah a tha. A ruang cu, nupa sinak na hman tikah na hmul cu na chiatha chungah a lut khomi a si. Cu nih cun nangmah caah damlonak phun a chuahter kho. Cun, Nu nih hin a tu le tu in nupa sinak hman hi a tha tuk lo. Chiatha zong nih hin thadam tein um an duh ve. Hibantuk zawtnak phun na ngeih sual asi ah cun nu doctor sinah ningzak lo tein thil sining tha tein na chim dih lai. Ref: Drjeremy Vpachuau