Video: Myauksii Khua Palek Sakhaan Lak Kahdohnak Ah Mipi Hriamtlai 3 An Nunnak A Liam.

Chin News

Myauksii Khua Palek Sakhaan Lak Kahdohnak Ah Mipi Hriamtlai 3 An Nunnak A Liam. Sagaing ramthen, Kalay peng chung um Myayuksii palek sakhaan cu an lak khawh nain mipi hriamtlai phufonh lei hriamtlai 3an nunnak a liam tiah Vakok-CNDF nih thawng a thanh.

November 3 zinglei sml 6:00am thawk in Kalay khua thlanglei ah a um mi Myauksii sakhaan cu dothlennak phu pawl nih an kah i November 4 zinglei ah an lak khawh. Kahdohnak chung ah Vakoj-CNDF, Ranger Kalay Defense Force, Kalay peng PDF hna an i bawm tiah theih a si.
Muicawl – Vakok CND. The Chinland Post. hHI VEIO ZOH KHAWH SI.

Cabia dang: Kei cu kan miphun ralkap ah luh hi fial ka duh bik ko. Tulio ah China nih kah dohnak ngol dingin a chim mi hi cohlan sual ahcun ral sunghnak lam a si kho.Kah dohnak ngol timi cu chikhat te ca lawng a si ko.Cucu Northern Alliance nih an i fiang tuk ko lai i an cohlan lai zumh a um lo.

Cubelte cu a bikin NUG hruaimi PDF pawl an thawn ve lo i Naypidaw tiang lak khawh lo ahcun Northern Alliance le KIA telh in tulio Wah bantuk dirhmun khi an i tim kho men. Politics cu chim chung a har tuk mi a si caah kan Chin miphun caah kan chim khawh bik mi cu ralkap kan thazang thawn hi kan herh bik mi a si ko.

Cucaah miphun kan dawt tak ahcun ral a do kho mi poah cu ralkap training kan kai dih a hau ko.Ral cu doh a si.Ral doh cu thah a si ko.Kah dohnak a zual chin i kawl ralhrang nih a kan hmuh mi poah cu a kan thah te ko lai. Kanmah nih maw kan thah hna lai? Ralhrang dah kan i thahter lai?

Ral a do kho mi poah ahhin ram chung ram leng um mi nu he pa he, phungki he Pathian rian a tuan mi zong nan i pum pek khawh ahcun..doctor le nurse le engineer tampi zong an um ko.India ah a um mi CNA ah full training ka kai lai ka tuan lai a timi ka chim uh..nan um kal nak tawlrel kan i zuam lai.Cuti lo ahcun tlangcung kan miphun hawi nih a kan chawh kanh tuk cang. By Salai Tin Maung Win

Leave a Reply