Video: Myanmar Le Korea I Bawm In Tuah Mi Film Cu December 19 Ah Tlangzarh Si Cang Lai: Myanmar le Korea lemcang thiam hna i komh in an cenmi “A Flower Above The Clouds” timi film cu a ra laimi December 19/2019 ah tlangzarh si cang lai. Mah film ahhin Korea lemcang thiam tampi an i tel i, anmah chungah lemcang tu ding taktak cu Korea actor Ryu Sang Wook si. Cun, Myanmar leiin lemcang tu hna cu (Academy) Wutt Hmone Shwe Yee, Kyaw Htet Aung le (Academy) May Than Nu pawl an si.

“A Flower Above The Clouds” timi film hi Chinram hmun dawhnak le hmunnuam deuh ah shooting tuahmi an si. Thantlang khua in an thok i, Kalay, Tedim le Rih lei zongah shooting hi tuah asi. Mah film ahhin Chin hloh zong telh chih asi,”tiah theih si. Hi kongah Chief Director Zin Yaw Maung Maung nih a chim mi cu, Chinram hi film shooting tuahnak dingah a ttha i, a nuamtuk, cu pinah lungthin hrimhrim a damtuk,tiah a chim fawn. Korea ram hmunnuam le aa dawh taktak timi Busan khuapi zongah shooting hi ngaih chih si.

“A Flower Above The Clouds” timi film hi Myanmar-Korea ramhnih hawikom ttha sinak caah tuahmi si i, Intelnational Standards film tiang phan kho dingin tuahmi si fawn. Hi film tawlreltu hna cu Korea ram in JBJ Intainment le Myanmar BIG5 film production hna an si. Romantic Drama si i, a cangtu ramhnih lemcang thiam hna zong nih a tthabik si dingin an zuam.”tiah theih si fawn. “A Flower Above The Clouds” film hi Myanmar le Korea subtitles zong bunh si lai i, ramhnih ah tlangzarhnak tuah si fawn lai.

Academy Wutt Hmone Shwe Yee nih a chim mi cu, “A Flower Above The Clouds” zuknung hi film dangnak in a hleiin a dang khun, a ruang cu mah film hi kan hmanmi hla pawl hi a ttha i, an i dawhtuk, cun hlathar lawngte an si. Mah film ca hrim ah an phuah mi zong i, lemcang tu hrim an thiamtuk hna,”tiah a chim. A tangah video tawi kan rak tar chih.