A Poi ko. Tuzing 12nd April 2020 (Sunday) suimilam 6am tluk ah Hindu pathian biakinn pawngah police curfew nih lam an khamnak pawl cu misual (Nihangs) timi phu motor pakhat nih a pah thluahmah. Police pawl nih cun an dawi i motor cu a hnu hmai in an dir onh. Cu lio ah cun motor chung ah a ummi hna nih police cu an zuan hnawh colh hna i, police bawi Assistant Sub Inspector (ASI) Harjeet Singh cu namte in an ban tan lakin an tuk. An tuknak zoh tikah aban aa tan ko tiah report nih a langhter pinah video zong in ttha tein zoh khawh si.

 

Cu pinah midang pahnih, Sardar Patiala station house officer (SHO) le police dang pakhat zong namte in an hliamh rih hna. Mah motor chungah a ummi hi NIHANG group an si tiah palik nih cun an chim. Patiala Sabzi Mandi ah misual hna hi an tlai kho hna lo. Balbera khua i Gurudwara ah an i thup ko timi a um tikah sualnak a tuahtu taktak hna hi an tlai kho hna lo, sinain anmah NIHANG Silk group he pehtlaihnak angei tiah lunghrinh mi, minung 10 tu an tlaih hna. Assistant Sub Inspector (ASI), Harjeet Singh hi a rannak in Chhatisgarh siizung ah kal pi colh asi.

Tutan ah hi bantukin police nih an tuarnak a ruangbik taktak cu, Coronavirus lockdown ruangah hin asi bik. Kan theih bantukin atu lio zawtnak Covid-19 ruangah vawleicung hmunkip ah hohmanh leng chuak kho loin kharkhumh (lockdown asi ruangah atu bantukin India police zong nih harnak an tonnak hi asi bik. hi ka zawn hi hmet law video zoh chih khawh si.