Pipu zungthluk ah mirum nih rumh chin an duh ti le, mirum ca ahcun paisa le chawva hi zeihmanh an rak si lo timi kan theih tawn. Hi kong he pehtlaiin mium ca ahcun phaisa hi hnachawl le caku tongh bantuk a si tiah kan pipu hna nih an rak chim mi hi a dik tak tak lo.

Tutan zongah General Min Aung Hlaing fapa nih mipi nih i lak hna seh tiin a ngeihmi phaisa cu tam taktak a vorihtikah a hmutu mipi cheukhat cu an lau ngaingai. A tanglei bik ah video kan rak tarlangh chih. A phaisa vorih ning cu a mak ko.

Relchih: Min Aung Hlaing chungkhar ramleng chuahnak kong thawngpang a leng: Kawlram chung thawngpang lengmi kong theih tikah Min Aung Hlaing cu thinphang in a nupi le a fanu hna chungkhar cu Russia ah a zamter hna i, a fapa chungkhar hna cu Thailand ah zam dingin timhlamhnak an ngei timi cu theih a si.

A fapa chungkhar hna hi Thailand ah an zamnak a ruang cu a pa bawmh a hrh sual ahcun fawi tein bawmh khawh dingin lam nai deuh ah a zamnak a si tiah theih a si. Hi kawng ah thawngpang a lengmi cu mi tampi nih a dik an ti lio ah cheukhat nih cun a dik lomi puhnak a si tiah an chim ve.

Cun, hi ti bantukin a chungkhar pawl ven himnak pek a duh ruangah le ramleng ah chuahter a timh hna ruangah social media ah langlo dingin Facebook cu zarhkhat chung kham le phihnak tiang a tuahnak a si tiah mi tampi nih cun an zumhnak a si.

Relchih: Yangon i umkheng tum in Min Aung Hlaing cozah an huatnak an langhtermi cu khuapi aa hnin dih ti awk in a um, lung a hmui taktak. Mah hi psychological warfare a si i lam zawh nak hmanh in hmual a ngei deuh tiah ka ruah. Ralkap phu cu a hninh ngai ko hna lai, an i theihter lai lo nain.

Hakha Keihsih sang le hmun cheukhat zong ah umkheng an tum ve. Thaizing lei zong pehzulh thluahmah ko u sih. Ramdang zong ah ralkap dohnak nan langhter ciomi hmuh tikah lung a hmui tuk, khawika hmun poah in kan doh a herh.

Mah le ti khawhnak lam in ralkap uknak chiahru doh hi kan tefa hna caah dothlennak kan tuah phun khat a si ve. Umkheng an tum ruang ah ‘hna an chet’ tiin a zai lenmi cheukhat kan hmuh hna i ngaihchia ngai cu a si, pumpak i tel khawh ve lo hmanh ah thazaang dernak a tuahtu cu si hram hlah u sih. Salai Lungthli Tum. hI KA AH VIDEO KAN RAK TARCHIH , FIANG TEIN ZOH KHAWH A SI.