Tutan ah mual a kan liam taakmi hi Salai Kulh Cung ti a si i Dr. Mang Le Pi Ṭha Thlia hna i an fapa a si i April ni 17-2020 ah mual a kan liammi a si. Salai Kulh Cung hi khrihfabu nih bochan taktakmi le hawile kom zong nih bochan in an tlaihchan ngaimi a si.

Tutan ruah lo piin mual a kan liam tak cu kan siang ve hrimhrim lo. Kan ngaih a chia tuk hringhran. Salai Kulh Cung cu April 17-2020 ahkhan mual a kan liammi a si i April 25 lawngah a ruak vui khawh a si. A ruak vui lio video zong a zoh chih khawh a si. Taantakmi chungkhar Bawipa nih an ngaihchiatnak hnem hram ko hna seh! Video timi hmehpiak law zoh khawh a si lai.

Malaysia CSO ah kan rianṭuanṭi hawi a rak simi kan hawi Kulh Cung (U Kulh) nih April 17, 2020 ni ah a umnak Kentucky ah ruahlopiin a kan liam taknak thawng kan theih cu kan rak lau tuk hringhran. U Kulh hi 2010 in ralzaam sianginn CSO Cheras ah pumpek rian a rak ṭuanmi a si. A ṭuanṭi a hawile le a siangngakchia cungah dawtnak le zawnruahnak a ngei taktakmi a rak si. Tu bantukin ruahlopiin a kan liam tak tikah kan ngaih a chia tuk hringhran. Kan philh kho hrimhrim lai lo. Credit: Biak Hmun Lian 

A rak thih ka i kan rak ṭialmi:  Ngaihchiatnak thawngpang: CBANA khrihfa chungtel a simi “Louisville Chin Church.KY” chungtel Salai Kulh Cung nih mual a kan liam tak ee. Dr. Mang Awi le Pi Ṭha Thlia hna i an fapa Salai Kulh Cung nih April ni 17/2020 (friday) ah ruah lo piin mual a kan liam tak ee.

Salai Kulh Cung hi khrihfabu nih bochan taktakmi le hawile kom zong nih bochan in an tlaihchan ngaimi a si. Tutan ruah lo piin mual a kan liam tak cu kan siang ve hrimhrim lo. Kan ngaih a chia tuk hringhran. Taantakmi chungkhar Bawipa nih an ngaihchiatnak hnem hram ko hna seh!

Thawngpang kan theihnak le kan laknak nih a thihnak khua le ram fiangfai tein thanh an tuah lo caah kan rak fianh kho ciah rih lo caah mipi nih aruah zia kan thiam hram uh! Thawngpang thar a um cun arannak in thanh ṭhan khawh colh kan izuam lai. Source: Sa Tin Lal