Video: Kum 10 Chung Mintthatnak A Co Mi Suu Kyi Cu Kum 22 Lawng Simi Malala Nih A Tei Ruangmang Cang

Theihtlei

Malala nih Kum 10 Chung Ropuibik le Limhang Sangbik Buan Aco. Pi Su cu kum 22 nu te nih atei riang mang. Hlanlio Nuhrin covo Innkil lung cu Lungtakep ah aachuah policy in keibei Democracy le Hmachia ukphung in ram hruaitu ah achuak diam mi Solomon hla I Tlangcung mi DL Samthlairem Meriheih cu Democracy Sexy Minthang ah achuak diam ko ee. Genocide le Nuhrin covo kilkam tu nih nawlbia abuar ticu vawlei cung tuanbia aum ballo I hi hnu aum ti lailo.

Image result for aung san suu kyi

Hlan lio Dindei nak Ralhau cu Federal Democracy Hau lengah a perh achuih I Alam len. Tlangcung mi caah Ralhau cu aa bauh viar. Haukulh umlo mi Lengah hacang rial in le khuasik tuar buin Sahngar, Ceihngia le Sahrang rawl caah Daniel Chiandeih thing Chung ah athlak hna diam ai. Khaltu ngeilo tuu btkin in Tlangcung mi cu kan um hna. Hlan lio Democracy Ralkap ttuanpi Hawi Ralhrang Uknak dohdalh tti Hawi Tlangcung mi hna kan Hawikom tha bik cu Valdang ttang an kan pom tak riangmang cang. Tlangcung mi lungdong hma, kan hmarun tawn piak tu ding ah ruah micu rai le chimthli tu ah aaser siam diam.

Majority & Minority. Divide & Rule cu biatak tein Hram athak than I hrihdildel in a par a en I theipar zong a tlai cuahmah lio Miphun 1 le an Biaknak 1 lawng cungnung termi ukphung Party 1 lawng policy in Ketlak Democray le Duhtlawng ukphung, Thleidan nak velhle in a Liam in a liamh mi Lobak Democracy phung tlaitleng he zeicandah an kal kal pi lai? Tlangcung mi zumh nak, Bochan nak, Ngatchan nak vialte le Kan tinvo covo vialte cu Ro bantukin a co dih hnu ah Fapa tlaupa bang Federal Democracy ram he lamhlat pi ah an kan Zuangzam tak cang.

Aminthan nak le Acungnung nak hmang in Kawlphung le Depde le Vaivuan Democracy in tlangcung mi hna cu na hrem hna I cawlkhawh loin na ttem hna. Judah phunglam fektuk in aatlak mi mithang Paul bang Kawlphung le Dan fektukin naa tlai I Federal Democracy Pangpar dawh Tlangcung mi hna cu na hrem hna. Apar tizu dawp bu in vawlei ah na colh hna.

Damasca hauka btk asimi ICJ- ICC Argentina hna Hauka ah laa cungin tla lakin, ankah thlak. Tlangcung hriamtlai hna le Party hna nih Federal Democracy ceunak le Panglong agreement le Apa Uk Sang thutiam hmang in an kah thlak cang. Ho dah na si tiah ahal tikah zei-ah narel lomi hnu na chit cuah mah mi le na hrem cuah mah mi Panglong biahren le Na Pa Uk Sang he Kawlram sertu hna Tlangcung mi Pupa hna kan si. Va kal law Federal Democracy ah na mit deih nak hmuh ding ah Tlangcung mihna Tlangbawi asi mi Miphun party hna sin ah thla vaa cam ter hna law ngai thiam va hal hna, Cun anmah he kal tti cang uh. Cu locun Kawlram Dindeinak le Federal Democracy ram lutpi in na ser chuak kho lai lo. Saya Rung Kaw

https://www.facebook.com/saya.rungkaw.7/videos/168950324466850/

Leave a Reply