Thantlang Peng Vomkua thilcang konghe pehtlaiin ca kan postmi cungah tthenkhat nih zumh lonak kong a chimmi tampi nan um hna caah biafiang taktak kan vun langhter tthan. Tutan ah thil a cangmi hi ahman bakmi asi tiah kan langhter ko nain a zum lomi kan um peng rih caah thil sining taktak kan vun langhter tthan.

A voikhatnak mipi sin ah kan rak thlahmi cabia cu hihi asi. Tuzing thil ka theihmi Vomkua khua ah a cang mi thil cu khuaruahhar ngai le Pathian thangthat ding a sinak fiang tein a lang. Pu Siang Kung a nupi Sayamah Ngun Za Tial hi Vomkua khua ah Sianginn cachim sayamah a rak tuanmi a si i Hakha ah an i thial cang. Pu Siang Kung cu Vom Kua a tlaihchan ngai i a rak tlawng. Lo riak mi sinah a va riak ve.

An lo tlakmi cu Makhan Ttal lopil a si. September ni 10,2020 zingka te ah meithel a put i sih a va bawh (Sih a va bawhnak hmun hi Tlaivai an ti i a tu lo an tlakmi he aital mi a si). Sakhi nih sih cu a vun din ah ka kap lai ati ah khin sakhi nih a tlik tak. Cu tlawmpal ah Pawpi a rak ra i sih a din lio ah meithal in a hei kah i Pawpi cu a bawk. Ka vun nolh than lai a vun ti ah Pawpi nih alu a vun tun i a lu kha a hmetter chel a nganter chel in a hmuh.

Cu lio ah kuanpi zunkhat in a vun kah than. Cu vial bakah cun nan kan kah, kan in thah lai tiah minung sawmnga hrawng nih an vun rat hnawh kha a hmuh. A meithal cu thingkung hram ah a tun i a mah cu a tihtuk ah tingkung cung ah a va kai. Mipi thingkung hram an vun phak cu a hmuh. A meithal hika ah a um ko amah cu khawika dah a zam manh dawi uh an ti zong kha a theih hna.

Chun tiang zongah a rak lawi ti lo tikah loriak pawl cu an i sawm i an kawl. Meithel zunhnih a puah zong cu loriak nih an rak theih ko. Meithel a puahnak lei ah an va kawl tik ah thinghram ah meithal a tun cu an hmuh. An auh len ko nain a hawi kho hna loh. A hraam thawng an theih i, thingkung cung an vun zoh cu a therh i a tla dengmang cang, thingkung cung ah an va lak zokzok.

A rak tihtuk cang caah a holh khawh ti lomi a si. Cun an tlunpi. Zan a riahnak ah cun mitampi nih an rak rat hnawh i na kan kah caah na kan nawl lo ahcun kan i thah lai an ti. Cu zan cu zan khuadei an tuaitam. A thaizing September 11,2020 zingka ah hawi pahnih thum a sawm hna i Vok thau sumh (6) le Arkhongsen an i phorh i Pawpi a kahnak lei ah va rem ding ah an kal.

Lam tanttim an phak ah khin nizan ah na kan rem ti loh, na tlaituk cang, Rem kan duh ti loh an ti i nangmah na nunnak tu kan in lak lai an ti. A nawl lengmang hna. A hawipa a kalpi mi nih cun a hmu hna loh. A sinain a nawl lengmang hna tu cu an hmuh, vok cu a kal duh ti loh i a ke an vun khiah. An tih tuk cang i loriak kha phone in an hei chonh hna i loriak pawl cu an rak phan.

Loriak pawl nih inn lei ah kan tlunpi lai an ti tiakah an tlunpi kho loh. Minung tamnawn nih an dawh, an nam len zong ah pe khat zong an tthial kho loh. Minung tamtuk nih a kan kham i zeiti hmanh in pahkhawh ding an si loh, nan ka kalpi kho bal lailoh hih tiah Pawpi a kap tu pa nih cu a ti hna. A khup ai bil i ka nunnak cu ka zuah ko uh, ka vok le ka ar hi cohlang ko uh a ti cu mipi nih an hmuh ko.

Lo riak pawl nih an kal pi len zongah minih dawhle kham bantuk in a hartuk cu an theih ve. Mi tamtuk nih a kan kham i nan ka kalpi kho lailoh hih a ti peng.Cu tikah loriak pawl nih inn lei kha phone an hei chonh hna i khuami cheukhat le Free Methodist pastor Kap Cin, UPC pastor Dawt Cung le Baptist pastor Zai Thluai Sung nih an hruaihna i khuami 15 hrawng an va kal. An va phak tikah thil sining cu an va hmuh ve.

Khuachia riantuan nak a si kha an theih tikah Pastor Kap Cin nih bia a chim i thlacamnak he Jesuh Khrih min in khuacha cu a tthawl, UPC pastor pa zong nih Pathian bia chimnak a ngeih. Chikkhat te ah mitampi an tlik kha cu Pu Siang Kung nih cun a hmuh. Ei hi hna pawl hi Jesuh min in an ra i tei khawh ding an si loh an ti i an zam dih a ti i Halleluiah tiah a au. Mipi zong cu an au ve. Inn lei ah tluang tein an vun tlunpi i inn an phak in lomhnak biachimnak le Thlacam nak program an ngei. Jesuh min an theih ah rulhreu mi an tli, tiah kan rak langhter hmasa.

Hi konghe pehtlaiin thil sining fiangtein langhter mi cungah pumpak tthenkhat nih an zumh lonak an vun chim cio hna. Asinain hi konghi zumh lo dingmi a um lo. Ahman taktak mi asi. Khualei tthenkhat kan chawnh hna i, biahalnak kan tuah hna tikah a hmanmi asi ko tiah aa kan ti. Culawng siloin Vomkua Pastor zong kan chawnh tikah biadik asi ko tiah a chim chih.

Hitluk fiangin thil acangmi cungah zumh loin kan um rih a si ahcun mah tein chawnh khawh an si. Theihfian le thil sining fiangte in theih a duhmi hna nih Vomkua Pastor Kap Cin le Bawi Iang Pa pehtlaih khawh an si. Pastor Kap Cin chawnh a duhmi nih 09458184189 mah phone number in chawnh khawh asi. Cun Bawi Iang Pa chawnh a duhmi nih 09458915152 ah hin chawnh khawh rih asi. Note: Copy tuah lo ding.hi ka ah tling tein video zoh khawh si.