Video: Khah Hmaikhuh (Medical Mask) Kongah Ralrin A Herh Taktak Mi Dr. Pari Nih A Chim Mi Hi Rak Ngai Ve. Atu lio COVID 19 zawtnak kong he pehtlaiin Dr. Pari nih Hmaikhuh ( Medical Mask) hman tikah ralrin a herhnak kong he pehtlaiin zeitindah kan hman ah aa tthat bik nak le kan caah a herhmi a chimnak video tawite hi rak ngai ve. A tangbik ah video um lai.

Relchih: Kan Umnak Ram Cozah Phung Zulh Awk Ah..FIGHTING: Kan pa nih khual a ka tlawm tak caah video ka tuah khawh lo caah Ka fb hawi le vialte um har phen ah ka tial sawhsawh. Tu lio cu Christmas le kum thar can karlak te a si caah Christmas rim cu a dai rih lo. US president cuh ai zuam pawl abikin democratic party candidate hna nih an timeline ah Christmas bia cah an tial cio. Jesuh hrin a si tikah ralzam dirhmun a phan ve i mipem le ralzam hi kan dawt le kan dirkamh hna ding a si ti hi an langhter cio. Abikin phung ning loin US a phanmi mipem hna hi US rammi bantukin ngandamnak covo hi an ngeih ve awk a si an ti.

President Trump cozah nih” Phung ning loin a lut mi” cu sual phunkhat ah an ruah ve i an doh. Phung ning tein timi “dinnak” kha an i tlaih ve. An mawh lo nak a ruang tampi a um lai cu. Pathian cu dawtnak zong a si i dinnak zong a si. Zumtu tak nih cun dawtnak cu ngeihcia a si i cu dawtnak a san le niam tu cu kan i dang cio lai. Zumtu tak nih cun dinnak tuah duhnak lungthin zong ngeihcia a si i tuahmi a tlawm le tam cu ai dang cio lai. Kan tuah thlu kho ve ve hna lo.

Nain kan umnak ram cozah nih a onh lo mi phung le zung nih a duh lo mi thil tuah cu kan hrial awk hrim hrim a si. Hi phung kan buar mi ruangah kan sungh man hi a tam tuk hringhran cang. Ka pasal i a pa Pu Sang Vung nih a fapa le pahnih sinah a thih lai ro a vuihta mi hna cu cozah phung he ai kalh mi thil rak tuah hrim hlah a ti hna. Kan umnak ram cozah phung zulh dingah…FIGHTING. Credit: Dr. Pari