Tuluk ram ah a ummi Lainu, Falam ka si tiah aiti lengmang nu konglam cu fiang tein an langhter cang. Facebook profile min ah Chhekuh tiah ai timi a min taktak Hma Ngeih Pari konglam vialte cu an langhter cang. Fb ah Chhekuh tiah atimi nih hin Mizoram le Assam ramri an buainak kongah video hmangin bia achim i, Mizo mipi pawl cu an thin a hung ngaingai. Akonglam cu atanglei bangin an si.

Hma Ngeih Par ( Chhekuh) a hringsortu hna Pu Sem Khar hi Mizoram Thekpui khua ah a chuak mi asi i, Thekpui in Laitlang Dartetui timi khua ah a pem. Cu khua cun Haimual ah a pem tthan i, hika khua hin a nunnak aliam. Hma Ngeih Pari apa Pu Van Lal Ruat hi Haimual khuain kum 1980 ah Sekan khua ah a pem. Cuka cun kum 1983 ah amah hringtu apu chuahnak ram asimi Mizoram ah avun i ṭhial ṭhan i, Champhai pawng Tuipui ah athih tiang a ummi asi.

Hma Ngeih Par hi kum 1996 ah Mizoram Champhai khuapawng Tuipui ah a chuak mi asi i, kum hnih hrawng asi in hringtu apa nih mual aliamtak. Cuticun a pa thih hnu ah hringtu a nu nih a zohkhenh khawh lo caah Sekan khua asimi Nu pakhat nih zaangfahnak lungthin a zoh ṭhan. Asinain a zohkhenh khawh ve lo caah Bethany Baby Home Tahan ah an chiah.

A vun upat deuh hnu ah a chuah semnak mizoram ah a rak ra i, Lengpui pawng asimi Dialdawk khua ah va angei i, fa zong pahnih an ngei. Cu hnu ah a vapa he an i ṭhen i kawlram Sekan ah arak kir ṭhan i, va angei ṭhan. Asinain a vapa he zong an i ṭhen ṭhan i, atu bantuk in Tuluk ram ah a um. India phunghram bantukin Hma Ngeih Par a pu Pu Semkhar hi Mizoram Thekpui chuak mi asi.

Curuang ah Hma Ngeih Par hi cikawr bantukin Citizenship by Naturalization angei kho i, Cun Hma Ngeih Par hi Mizoram Tuipui khua ah a chuak mi asi caah Citizenship by birth zong angei kho mi asi. Hi pawl ruangah Hma Ngeih Par hi Sekan khuami le minung asi hrimhrim lo. Kanmah Sekan khua hi Mizo Nationalism cun atawzaang ngaingai mi asi.

MNF nih zalonnak an rak tuah lio ah khan pumpek in rian aṭuanmi hna cu eidin ti rawl zong biatak tein an rak pek tawn hna. Cu ruangah kan khuami pakhat Pu Sai Cung zong kawlram cozah nih an rak tleih i lectric hmangin an rak thah. Cu bantuk cun Sekan khuami hna nih hin Mizo miphun le ram caah rian an rak ṭuan ve tawn.

Adonghnak ah vun langhter kan duh mi cu kanmah Sekan khuami hna nih Hma Ngeih Pari biachim hi apoi taktak kan ti i, sual zong kan phawt. Hi hnu ahcun hibantuk in biachim hi hmang ti hlah seh tihi nawlnak zong kan langhter. Cun Bangladesh Infiltrator hna nih cung Pathian nih zofate ram aa kan pekmi an vun buaiter mi hi apoi tuk kan ti i, sual zong kan phawt hna. Zofate innpi Mizoram dam peng ko seh zofa hna caah tiah Mizoram Sekan Welfare nih an langhter.

VIDEO