Atu lio Chinmi/Laimi nih mifim pakhat kan i ngaihmi kan Rev. Dr. Hre Mang nih tutan US thimnak kong a vun chim mi cu a chunril zong lang dih vial in a vun hrihfiahmi hmuh tikah a vun fiang kho taktak. Kan theih bantukin Rev. Dr. Hre Mang hi Pathian rianttuan a si nain ramkhel kong zongah amah tlukin Laimi lakah a theimi cu an um ko nain an tam lo.

Tutan ah vawleipi nih an cuanh i, kanmah Chinmi/Laimi zong nih tiang hmanh nih kan buaipi taktak mi US thimnak nih kan lung a kan tuai cio, a ruang cu nihinni tiangah teitu a fian lo pinah kaphnih karlak ah buainak tampi a um caah zongah si fawn. Hi kong he pehtlaiin Rev. Dr. Hre Mang nih a chim mi hi vun ngai law tampi an fianter lai. A chim mi hi pakhat hmanh kan ttial chih lo. a ruang cu Laiholh tein a chim mi si ko caah video tu in kan vun taarnak hi a si. A tanglei ah video zohnak link an rak chiah.

Relchih: Cybersecurity and Infrastructure Security Agency director Chris Krebs cu Trump nih a rian in a phuah. Tutan thimnak kongah Chris nih “US tuanbia ah a fel bikmi thimnak a si; lih a um lo, vote thlaumi a um lo, hlonh sualmi zong a um lo, zei lei poah in tuah sualmi zong a um lo” tiah a chim.

Pre.Trump nih Chris biachimmi taarpiak chih in, twitter in a rian a vunphuah colh. US lawng hmanh si loin vawleicung pi ah FBI, CIA le CISA hna cu a thawng taktakmi an si i, a tlaitu director pawl zong mi lianngan taktak ah ah ruah an si. Anmah pumpak min thatnak, pawngkam mit zoh tbk hna in bia an chim i rian an tuan cu uar an um lo taktak. Mah tluk office lian taktak dirhmun tlaitu a simi fa tuk in bia an chimmi pawl cu huat bak an tlai bak.

Trump hi politician a si lo nain a cheu bang hmanh an rak tluk lo. Trump sinah cun an lungthin put in an biachim in an dirhumn an fa tuk. Hi tluk lih le hlennak a tammi lak i hi bantuk biachim cu a rian phuah phu taktak si. Trump ciammam. By Luther Tin Hre. hi ka hi hmet law video zoh khawh si.