Rev. Hoi Cung Tum nih NLD cozah nih Hakha inn hmun an hrawhnak kong he pehtlain hi inn hrawhnak ah biachattu le biakhiak tu cu Chin cozah “NLD” rianttuantu hna si loin kanmah Pathian rianttuantu pastor an si tiah a chim. A tawifiannak in kan rak ttialmi si caah a palhmi le chap mi zong um kho men. A tanglei ah tling deuh in video ngaih chih khawh si.

NLD cozah kai hnu in kanram tthat deuhnak a langhnak kan hmuh cang kan ti. Asinain JCB nih inn an hrawhmi ka hmuh tikah mah hi thil tuah loin hi nak lamttha an hmu hnga lo maw timi ka ruat. An rianttuan kum dongh lei ah ai dawh lo tukmi tuahsernak in an donghter i, hi tluk sifak mi Laimi inn an hrawhmi cu JCB mawngtu pa zong zuu thawltan tel an dinter lo cun a hrawk ngam lai lo, keimah sining law zuu din lo cun ka hrawk ngam hrim lai lo. Cun, JCB ngeimi sining law kha lio ah khan ka JCB aa tel hnga lo.

Mah inn an hrawhmi nih khan zeitluk in dah ranm a sersiam i, rak hrawk hna hlah sehlaw mah nih khan ram kha zeitluk in dah a hrawh hnga timi bia ka hal. Keimah hruaitu sining law mah inn sak kha ka sianh hna lo hmanh ah lamdang ka kawl ko hnga timi ka ruat. Kha lio caan kha ramdang ah ka um lio si i, inn an hrawh lai ah khan pastor pawl an rak sawm hna i, ruahnak an hal ko hna rua. NLD hruaitu hna nih mah inn an hrawh lai ah pastor pawl an sawmmi hna cu an fimtuk ka ti.

Biakam hnu chan zongah siangpahang nih prophet pawl an sawm tawn hna, siangpahrang pawl zong Pathian duh mi an si lo zongah an tuah dingmi ah Pathian duh lo ning in thil kan tuah sual lai maw? tiah Pathian rianttuantu pawl an sawm hna bantukin NLD hruaitu zong nih pastor pawl an sawm hna. Cu tikah ruahnak petu dingah ah an sawmmi hna pastor pawl nih inn kha hrawk-tthet uh an rak ti rua, pastor pawl nih inn kha hrawk uh, tthet uh an ti hna. Kha inn rawhnak ah biachahnak a tuah tu hna hi pastor nan rak si diam.

Kei mah lio kha ramleng ka um lio si tikah ka theihmi bia hi a dik lomi zong si kho men, ka palh sual si ahcun a theihmi a palh tiah ti te ko uh! Pastor pawl ruahnak an in hal hna hnu ah pastor pawl nih inn hi hrawk ko uh, inn hrawh hi miphun dawt si ko tiah an chim tikah mah lio kha um ning law ka bia an ngaih le zulh duh o cu ka thei lo, nain inn hrawh loin lamdang tu kawl in thlacam rih tuah hna usih,”tiah ka ti ko hna hnga. hi ka ah video zoh khawh si.