Laimi nih tampi nih kan chim lengmang ṭheo tawnmi cu, Chinram MP cheukhat cu eihmuar lawng an thiam ti bantuk biachokvai a um pah lengmang. Hi kong he pehtlai in MP Sui Ṭhio nih eihmuar (ei ruknak) a ei lonak kong fiang taktakin The Chinland Post nih tonbiaruahnak an ngeihnak ah a chim.Video timi hmehpiak law ngaih khawh a si lai.

Kan pale bochanmi tampi zong nih Chinram MP pawl cu bochan awk tlak ngaingai an um lo. Eihmuar lawng an thiam ko tiah kan pale tampi nih an chim pah len. MP Sui Ṭhio nih cun hitihin a chim,”Eihmuar hi cu ka dictionary ah a um bak lomi a si. Campany pakhat nih ting 30 ka pek a ti ti a si. Ting 30 cu chim lo fangthum (piathum) a ka peek si cun atu bak ahhin thining. “Thantlang peng zongah an timi cu tangka a pee khomi cu an peek kho ti a si. Thantlang ka ei (eihmuar) si le thining. Hihi cu eihmuar ahmang balmi nih an ti sawhsawh bia si ko. Pathian nih a thei kho i zeitluk in dah eihmuar ka huat ve ti hi mipi nih theih hna sehlaw ti ka duh,” tiah MP Sui Ṭhio nih a chim.

Note: Hihi kanmah ruahnak kan ṭialmi a si lo. The Chinland Post nih tonbiaruahnak an ngeih lio i eihmuar kong ceihhmainak an einak ah a chimmi bia a si. A dang tampi chungin hite hi kan char duh. Aruang cu MP pakhat nih thih ngam tiangin bia aikammi hi a sawhsawh a si hrimhrim loh.