Video: Chinmi Nih Teinak Hmu Hna Seh Ti Ka Duh Timi A Chim Ruangah Kawl Mipi Cheukhat An Thinhung: Nilen biachim mi ruangah kawl cheukhat an thinhung taktak. Myanmar Idol Season 3 ah a rak i zuam mi Nilen Parmawi cu Kawl Media pakhat nih biahalnak-interview an tuah i, hi biahalnak-interview ahhin tampi an bia an hal. Tampi an halmi chungah atu lio tuah cuahmah mi Myanmar Idol Season 4 zuamnak ah hodah teinak hmu seh ti na duh ti an hal i a lehmi hna cungah Kawl mipi cheukhat an lung rak si hrim lo, comment ah fak ngaiin an ti.

Nilen Parmawi an halmi ah Nilen nih a lehmi hna cu “Tukum cu kanmah Chin miphun nih teinak-Winner hmu ve cang hna seh ti khi ka saduhthah asi” tiah a leh hna. Hi bia a chim mi ruangah Kawl mipi cheukhat nih duh loin fak ngaiin comment an pek cio.

An dihlak in an thiam in uar an um tuk cio, Miphun thleidennak cu ka ngei hrim lo, Sinain keimah duh ahcun tutan zuamnak cu Chin miphun nih teinak hmu ve cang hna seh ti cu ka duh ko,”tiah a chim hi si. A tangah biahalnak an ngaih lio video kan rak taar chih.

Relchih. Biaknak Kongah Kan Theih Herh Tuk Cang Mi Pahnih: Khrihfa lak hmanhah hruaitu upa nih tutiang kan i fian khawh rih lo mi cu Pastors te hi members nih thawhmi cheuhra cheukhat in cawmmi ah kan ruah tawn. Cheuhra cheukhat cu Pathian ta asi i Pathian nih a rianthiang a tuan mi a sal kha a cheuhracheuhkhat tein a zoh i a cawm than mi tu khi asi deuh. Member tu nih Pathian chawva kan fir tawn. Pastors te lahkhah kan pek mi hna hi Khrihfabu nih kan cawm tiah ruat ti hna hlahuhsih. Cu dirhmun cu Laimi khrihfa nih kan lonh caan a cuu diam cang. Cheuhra cheuhkhat umtu dan kan i fian lo ahcun a tengnge kan zulh dingmi lam ai palh chin lengmang ve ko lai.

Pastors le hna an rian hi Van le vawlei kar siloah Pathian le minung kar ah rian a tuanmi lamkaltu ambassador of Christ an si. Nain Laimi nihcun Pastor te kan hman ning hna cu Van le Vawlei kar ca nakin Zung le member kar riantuantu caah kan hman deuh hna. Pathian rian umkal ning le Bible a hrampi tlaih khawh lo ahcun a tengnge kan zulh ding mi le bichahnak cu ai palh mi lam kan zulh chin lengmang ko lai.Khrihfabu muisam hi kan hrawh chin lengmang cang. Khrih a fa a si mi khrihfabu le member hi a dawt zia kan thiam taktak maw ti hi ruah awk ngai kan hau.

Case workers dirhmun ah a buai deuh rih mi hmunhma ah a um mi Khrihfabu kan si ahcun Case workers khi la ko uhsih. Pathian nih Khrihfabu cu a cawm ko lai. Pathian nih zeitin khrihfabu a cawm ti fian lo ahcun tangka save nak caah lam an kawl tawn. Kan khrihfa sinak ah Pastor zong mah nih cawm mi ah kan i ruat tawn. Khrihfabu chungah tangka save nak dingin Sipuazi kan tuaktan. Pastor te hi kan thluahchuah taktak le kan chawva Ummpi an si zia-A Pastor is a treasure ti mi hi Laimi Khrihfabu upa tampi hmanh nih kan pemh rih hrimhrim lo.

Pastors te cu an rian a si taktak lo mi caseworker ah kan hman hna, an ba i an thawngtha chim mi ei awk a thlak ti lo tikahcun a piangthar lo, a thiam lo tiah kan soi than hna. Caseworkers caah a fel mi Pastor cu zungzal damnak lam an nganh, cikhat ca men a si. Cubantuk ah a lungtling ngai mi Khrihfabu na si maw? Zei thlaicii dah kan tuh satsat kan i fiang lo. Laimi Khrihfabu kan i hruai dan hi a pinglepang in kan i hruai peng i Khrihfabu hi zawtter lo awk le then lo awk kan tha lo. A hrampi kan i fian hmasat zungzal a hau. Al Bik Lian