Video: Banjamin Sum An Conglawmh Ning Cu A Mak Ko

Music and Videos

Video: Banjamin Sum An Conglawmh Ning Cu A Mak Ko: Tukum Myanmar Idol Season 4 ah a zuammi Chin pasal ttha Benjamin Sum tluk in mipi nih uarmi le conglawmh mi an um rih lo. Amah hrim a thiam pinah a cawlcang-hoiher hrimhrim khi uar lo awk ttha ve lo.

Image may contain: 8 people, people smiling, people sitting

Video kan hmuh bantukin Kawl miphun hna lakah hi bantukin kanmah Chinmi chungin conglawmh le tha an pekmi hna hi an um cio ko, sinain tutan Benjamin Sum tha an pek tlukin Laimi dang an pek mi hna an umtuk rih lai lo dah. An conglawmh ning le thazaang an pek ning cu lunghmui kho taktak.

Image may contain: 9 people, people smiling, people standing and crowd

Kawl minthang tampi zong nih Benjamin Sum an uarnak le midang nak in miphun dang ngai asi nak kong zong an chim cio. Video van zoh tthan rih hmanh, Kawl miphun hna nih hi tlukin Laimi si ko mi an conglawmh le thangtthat mi hmuh ah lawmh lo awk hrim a ttha lo. A tangbik ah video um lai.

Image may contain: 9 people, people smiling

Dr. Aung Myant Thang nih Khrihfa Mihrut tiah a ttialmi hi thangzaang lahnak caah rel chih. 1. Mihrut cu siangin kai i degree laak khawh kha an i zuam. Asinain degree an laakmi he a kal ttimi fimthiamnak kha an laa duh lo. Degree laak lawng kha an i tim i fimthiamnak tu kha cu an i laak lo. Cucaah mifimhrut ah an i cang. 2. Mihrut cu Baibal kan cawng an ti i a Baibal bak kha an cawn i Baibal nih a kan cawnpiakmi nuncan/ziaza le lungput tu kha cu an cawng duh lo. Cucaah Baibal thei ngai ttung i Pathian thei lomi ah an i cang.

Image may contain: Aung Myint Thang, standing and text

3. Mihrut cu Jesuh nawl kan i cawn an ti i an Baibal siahngakchia le an member kha an ke an ttawl hna. Asinain an ke an ttawlmi hna tang ah khan an i dor taktak fawn hna lo. Ke ttawl nih a chim duhmi cu mahnak in a niam deuh mi hna sin i i tangdor kha a chim duhmi a si. Cucaah mi mithmuh lawng i ai tangdor mi ah an i cang. Aphungmen i mi tang i ai dormi ah an i cang. 4. Mihrut cu Pathian biak ah kan i pum an ti i an takpum lawnglawng ai pum i an thinlung le an tlarau cu ai pum lo. Pumh timi cu hawi he thinlung dihlak in Pathian biak le thangtthat kha a si. Cucaah biakin a panh ttung i Pathian a bia lomi ah an i cang.

5. Mihrut cu Pathian cungah kan i lawm tuk an ti i an laam. Asinain an laam chung lawng kha an i lawm i inn an ttin cun lungrethiehnak le vuivainak in an khat. “Laam uh” timi nih a chim duhmi cu Bawipa ah i lawm zungzal uh tihi a kan chimh duhmi a si. Laam ttung i Bawipa i nai lawmh zungzal ttung lo ahcun na laammi kha sullam a nei lo. Cucaah a laam nain a ngeih a chiami ah an i cang dih.

6. Mihrut cu tipil kan ing an ti. Tipil cu an ing nain Jesuh thihnak le thawhtthannak cu an i hrawm lo. Cacaah tipil a ing i khamhnak a co lomi ah nan i cang. 7. Mihrut cu Pathian rian kan ttuan an ti i Pathian nih a fialmi hna rian kha an ttuan lo. Cucaah Pathian rian ka ttuan ti ttung i mah rian a ttuanmi ngawt ai si ko. Cucaah kan Khrihfa siinak hi. Lo ah ka kal ti i lo lawng i va kal i lo rian va ttuan lo he ai dannak a um lo. Rev. Dr Aung Myant Thang

Video-Credit: Chin Net

Leave a Reply