Aung La N Sang Nih A Chim Bantuk Tein Tial Cung Thang Nih Teinak A Hmuh Taktak: Kan theih bantukin tuzan ah Chin pasal ttha Tial Cung Thang cu One championship nih tuah mi Malaysia ah Korean pa he an i thong. Amah a rak zultu Aung La N Sang zong nih US ram in teinak hmuh dingah Malaysia kan rak phan tiah a rak chim. A chim bantuk tein Chin pasal ttha Tial Cung Thang nih Korean pa cu a tei taktak. Lawmhpi cio hna usih.

A tang hi Aung La N Sang nih an rak phak ka i a rak chim mi bia si. Aung La Nsang zong nih a chim mi cu Teinak hmu dingah Malaysia kan phan, Malaysia cu Kawlram mi tampi zong nih nan kan zoh lai timi ka zumh. Zoh lai ka ngaituk tiah a Facebook ah a langhter. Malay um Chinmi zong nih thazaang pe cio hna usih. Video a tangah zoh khawh si.

Relchih: Kawlram milu dihlak 57 million hrawng kan um an ti. Laimi- Chin State chung ah milu 1 million hrawng kan um. Kawlram milu lak ah laimi milu vun tuak ahcun rili pi lak ah tidawr khat bantuk men kan si, kan tlawm taktak. Asinain, Laimi phun hi Pathian zangfahnak thawng in Politic ah siseh sport lei siseh, fimthiamcawnnak lei ah siseh Kawlram ah min ngei-minthang-laimi mintthat ter tu kan tampi ve cang.

Politic ah Vice President Henry Van Thio Laimi kan um ve. Adang min ngei kan um len rih. Music-Celebrity lei ah Thet Mon Myint, Sung Tin Par le David Lai etc kan ngeih hna. Adang kan chim ti lailo. One Championship ah Tial Cung Thang laikhal tuzeerh Malaysia ah aphomh ve lai. Adang kan chim ti lailo. Myanmar Idol 2019 zuamnak ah Laimi chung in minung pa 4 an i tel ve. Atu tiang cu Top 6 ah minung pa 3 an kai kho rih. Kawlram mipi an khuaruah ahar. Miphun milu tlawmte chung in Myanmar Idol ah TOP 6 phanh kho lawng hmanh si loin athiam bik le winner asi kho dirhmun ah an kan hmuh cang.

Laimi kan si, Laimi nih pakhatnak co ding cu kan duh cio lai ka zumh. Falam, Hakha le Mindat tiin media ah soiselnak cu ngol caan asi cang. Nizan ah Benjamin le Esther nih bia an chim nan theih cio lai dah. Lai Media- Facebook soiselnak ruang ah thachia in an umnak asi. Minung an si ve caah facebook an hmuh mi nih an lung a tuai hna. Kawlmi nih an soisel hna ruang ah si lo, Laimi pakhat le pakhat kan i soisel ruang ah asi. cucaah biachim-catial hi iral rin taktak aherh. Atu lio ah media nih nan rian cu an thatnak,an thiam nak le an ilomhnak ding lawng nan tial ding si. An chiatnak le an palhnak tial aherh lo.

Mipi nih Kan ttanhmi te ttanh cio ko usih aphung si ko nain midang soisel lo in biachim izuam usih law kan mah Chin-Laimi pakhat khat nih teinak kan hmuh nak ding thlacam pi cio hna usih. Adonghnak-Teinak ahmu mi cung ah kan dihlak lomhpi cio ding si. Top 6 vote pek lio, Hakha Esther te dawr ah Chin Idol star pa 3 hmanthlak ka von post than. Credit: Ral Eng Khenglawt

Video-Credit: The Chinland Post